Gewilde Bybelverse vanaf मत्‍ति 7

Deel

दोरानुम खोन्‍किना खानानिन्‌आ त़तोक्‍तुम, लामानुम खोन्‍कि खानानिन्‌आ त़धिरुम, मोआनुम खोन्‍कि आम्‍नुओ निम्‍पाङ लाप्‍तिखोप होत।

देकिनालो साङ्‌आ दोरु, मोसाआ तोक्‍तु, खोन्‍कि साङ्‌आ लामु, मोसाआ धिरु, साङ्‌आ मोउ, खोन्‍कि मोसोओ निम्‍पाङ लाप्‍तिखोप होत।

मोवात्‍नि साङ्‌आ अ़ङ्‌य़ङ्‌चि एनुचि खोन्‍कि मोचि मुचि, मो अ़क्‍छा तायाहाङ्‌पा म़ना अ़खिम लुङ्‌छ़ङ दुङ्‌दा कामुपावाको ओ।

खोन्‌ओसा म़नाचिआ खानानिन देत्‍नि ऩमेत्‍तिन्‍प़न्‍नेनि त़मिनिन्‌येन मोवात्‍निङा खानानिन्‌आछाङ नि म़नाचि मुवानुम्‍च़म, देकिनालो ओङा मोसाओ अ़य़ङ्‌हुप खोन्‍कि निनाम्‍हाङ्‌य़ङ खाकालुचिओ अ़चुचिन्‍माय़ङ्‌चि ओ।

मेन ह़ङ्‌म़ङ्‌दा कातात्‍ला लाम चाअ़त खोन्‍कि लाप्‍तिखोप चुकुवाहुत्‍हुत्‌ओ मु, खोन्‍कि मो काधित्‌चि अ़क्‍चिलोक ओन्‍ङा म़मु।

चुकुवाहुत्‍हुत्‌ओ लाप्‍तिखोप्‌दाङ्‌का वाङानिन, देकिनालो लुक्‍खादा कातात्‍ला लाप्‍तिखोप थायाङ, खोन्‍कि मो लाप्‍तिखोप लाम कावाङ्‌चि ब़द्‍धे म़मु।

मोवात्‍नि खानानिन अ़अ़त्‍पा त़मुन्‌येन्‌नुछाङ आम्‍नुओ छाचि अ़नुवाक सामाचि प़मा त़लेसिन्‌येन्‌नालो आम्‍नुओ निनाम्‍मादुओ पापाआ खोक्‍कोएदा कादोत्‌चि देम च़लोक अ़नुवाक सामाचि म़प़चि?

“नि म़नाचि छ़ङ्‌मान्‍छेन्‍दानुम्‍च़म, खोन्‍कि खानानिन्‌छाङ निनाम्‍हाङ्‌आ छ़ङ्‌ऩछेन्‍तिमिन। देकिनालो देत्‍नि खानानिन नि म़नाचि छ़ङ्‌त़छेन्‍तुम्‍च़म, मोवात्‍निङा निनाम्‍हाङ्‌आ खानानिन्‌छाङ छ़ङ्‌ऩछेन्‍तिन। खाउ हाक्‍खाआ नि म़नाचि खानानिन त़हाक्‍तुम्‍च़म, मो हाक्‍खाआङा खानानिन्‌छाङ निनाम्‍हाङ्‌आ ऩहाक्‍तिन।

मेन साङ्‌आ अ़ङ्‌य़ङ एनुकि मोचि अ़मुन्‍चिन, मो अ़क्‍छा खामान्‍सिन म़ना अ़खिम लुङ्‌च़क़य़क दुङ्‌दा कामुपावाको ओ।

देकि खाना आम्‍निछाओ अ़म़क्‌दाओ चाच़ङ त़खाङु, मेन आप्‍पि आम्‍म़क्‌दाओ स़ङ्‌द़क त़खान्‌योन? आम्‍म़क्‌दा स़ङ्‌द़क याक्‌याङ्‌नालो देत्‍नि खाना आम्‍निछा लोमा त़ऱ, ‘अ़ङ्‌का आम्‍म़क्‌दाओ चाच़ङ लोइसुङ्‌ने’?

सोज्‍जेओ निनाम्‍हाङ्‌य़ङ खाकालुचिएदाङ्‌का चाप्‍चेत्‍तानिन्‍चिन। मोचि आम्‍नुओ रादा भेरावाको म़लिकि म़ता, मेन अ़चुकोङ्‌हुत्‌या क़माकात्‍तुओ बेन्‍पाचिवात्‍नि मोचि म़मु। मोचिओ अ़चुकाचिलाम्‍पा खानानिन्‌आ मोचि त़सिन्‍तुम्‍च़म। दि त़ङ्‌खोक्‌वा ताङ्‌दाङ्‌का अङ्‌गुरा माङ्‌लो सुइधा ताङ्‌दाङ्‌का वासि लाम कि?

मोवात्‍निङा झारा अ़नुवाक स़ङ्‌ताङ्‌आ अ़नुवाक अ़सिवा सिसु। मेन अ़अ़त्‍पा स़ङ्‌ताङ्‌आ अ़अ़त्‍पा अ़सिवा सिसु।

अ़नुवाक स़ङ्‌ताङ्‌आ अ़अ़त्‍पा अ़सिवा सिमा अ़ऱन ना अ़अ़त्‍पा स़ङ्‌ताङ्‌आ अ़नुवाक अ़सिवा सिमाङा ऱ।

अ़नुवाक सिवा मान्‍सिकादा स़ङ्‌ताङ झारा म़धेत्‍तेन, खोन्‍कि मिदा म़वेन्‍दि।