Parenting by Design na Pang-Araw-Araw na GabayHalimbawa

MARUNONG AT MAPAGMAHAL NA MAGULANG

Ginagamit ng Diyos ang talinhaga ng isang agila upang ilarawan ang sarili Niya bilang isang marunong at mapagmahal na magulang. Kawili-wiling isipin na isa sa mga bagay na ginagawa ng agila upang himukin ang kanyang mga inakay tungo sa pagsasarili ay "guluhin ang pugad" nang mapilitan silang matutong lumipad. Tulad nito, dumarating din ang panahon na kailangan na matuto ng mga anak "lumipad mag-isa." Dahil alam niya ito, maaaring guluhin ng isang mapagmahal na magulang ang pugad sa pamamagitan nang paghimok sa anak na lutasin ang mga problemang naaangkop sa kanyang edad at maranasan ang mga konsikuwensiya ng kanyang mga desisyon.

Kapag nahaharap ang isang bata sa napakabigat na problema, maaaring kailanganin din ng magulang na siya ay saluhin at kargahin panandali. At bagamat maaaring nakakatuksong suportahan sila nang walang takdang haba ng panahon, ang layunin ay mag-alok ng sapat lang na tulong na maibalik sila sa paglipad. Labis na mas dakilang kaloob ang tulungan ang mga anak natin na unatin ang kanilang mga pakpak kaysa na tayo ang lumipad para sa kanila.

Guluhin ang pugad sa pagpayag na ang iyong mga anak ang humarap at lumutas mag-isa ng mga problema.