சங்கீதம்-23ல் மறைந்துள்ள ”இரகசியம்” - சகோதரன் சித்தார்த்தன்மாதிரி

நம்முடைய குயவன்கை-களிமண் வாழ்க்கை – மென்மையான பூக்கள் மீது நடப்பது போன்றது அல்ல. ஏனென்றால், குயவன் வனைந்து அதின்படி நாம் வாழ-பழகும் போது பாதை கடினமாகி-சில தியாகங்களைச் செய்ய வேண்டியதிருக்கும்; அப்படிப்பட்ட வேளைகளில் -நாம் நினைவில் நிச்சயம் நிறுத்த வேண்டியது - இந்த பாதையில் நடப்பது பாரமனது அல்ல; ஆசீர்வாதமானது. இது நம்மை சுற்றி போடப்படும் முள்வேலி இல்லை – நாம் செய்யவேண்டியது எல்லாம் - ”தேவனுடைய வழியை – நமது சொந்த வழியைக்காட்டிலும் மேலானது என்று தெரிந்தெடுக்க வேண்டும்”. இந்த சத்தியம் - நம்மை நெருங்கி நிற்கும் பாவத்தில் இருந்து நம்மை விடுவிக்கும்.

மரண பள்ளத்தாக்கின்...இருளில் நடந்தாலும் நான் பயப்படேன் –என பயத்தைப்பார்த்து தைரியமாக தாவீது பேசுவதற்கு காரணம் -தேவரீர் என்னோடே கூட இருக்கிறீர் என்ற நிச்சயம். உடன் தேவனுடைய பராமரிப்பு, பாதுகாப்பு - (கோல்- ஆடுகளுக்கு இலையை பறித்து தரும்) (தடி – ஆடுகளத் தாக்கவரும் சத்துருக்களினின்று - பாதுகாக்கும் என்ற நிச்சயம்.

சத்தியம்: இன்றைக்கு நாம் தாவீதைக்காட்டிலும் அதிக நிச்சயத்துடன் ”மரண இருளின் பள்ளத்தாக்கிலே நடந்தாலும்”என்று ஆணையிடலாம், அறிக்கைசெய்யலாம்.[DECREE AND DECLARE]. நமக்கு இருக்கும் போதுமான ஆதாரம் -யோவான் 3:16:-

“தேவன், தம்முடைய ஒரேபேறான குமாரனை விசுவாசிக்கிறவன் எவனோ அவன் கெட்டுப்போகாமல் நித்தியஜீவனை அடையும்படிக்கு, அவரைத் தந்தருளி, இவ்வளவாய் உலகத்தில் அன்புகூர்ந்தார்” என்ற சத்தியம்.

இந்த சத்தியம் நம்மை மரணபயத்திலிருந்து -விடுவிக்கும்.