Soma Biblia Kila Siku 11/2025Mfano

Hukumu ya Mungu inalenga kuwafanya watu kuwa waaminifu kwa neno lake na kuimba kwa ajili ya utukufu na haki yake. Utukufu na haki ndiyo utakatifu wa Bwana. Hali mbaya ya wakati wa Isaya ilimfanya alie na kuomboleza. Sisi pia tunaweza kuwa tunanyong’onyezwa na hali ya uovu na dhambi zilizopo na zinazofanywa leo. Hata tuwapo katika hali hiyo, tunatakiwa kutegemea ahadi ya Mungu na kusonga mbele tukitazamia kuimba nyimbo za sifa kwa ajili yake. Hakika Mungu anakusudia kuziokoa mbingu na nchi.