Soma Biblia Kila Siku 11/2025Mfano

Leo ni mwanzo wa majira ya Majilio, kipindi cha kujiandaa kwa ujio wa Yesu Kristo. Ni kipindi cha faraja, maana tunaambiwa Mungu amewakumbuka waliochoka katika mateso na vifungo. Ujio wa Yesu ni uhuru kwao waliofungwa na kukaa katika hali ya maombolezo. Yesu anasem:Roho wa Bwana yu juu yangu, Kwa maana amenitia mafuta kuwahubiri maskini habari njema. Amenituma kuwatangazia wafungwa kufunguliwa kwao, Na vipofu kupata kuona tena, Kuwaacha huru waliosetwa,
Na kutangaza mwaka wa Bwana uliokubaliwa(m.18-19). Furaha ya kweli na uhuru wa nafsi tutavipokea Yesu akiingia mioyoni mwetu. Je, katika majira haya ya majilio umekusudia kufanya nini? Kumbuka maandalio ni muhimu. Tumkaribishe Yesu ayatawale maisha yetu, kwani yeye ni Mfalme wa Amani.