Soma Biblia Kila Siku 11/2025Mfano

Jamii ya watu haipendi kuishi katikati ya hali ya uovu. Kwa hiyo watu hupenda kuongozwa na kiongozi atendaye na kupenda haki na wema. Lakini dunia inashindwa kupata binadamu wanaoweza kutenda kwa haki na wema, ambazo ni tunu zitokazo kwa Mungu peke yake. Ndiyo maana haki na wema vitadhihirika wazi ajapo Kristo. Utawala wa Kristo unaleta heri kwa watu wote. Hata kama taifa na watu watapata shida katika maisha yao, iko siku ambayo Mwana wa Mungu atatawala kwa haki kinyume na watawala wa dunia.