Soma Biblia Kila Siku 11/2025Mfano

Huu ni wito kutoka kwa Mungu. Watu wanaitwa waone na kushuhudia ukuu wa Mungu utokanao na kazi zake. Nabii anaweka bayana sifa za wale wote watakao na wanaoweza kuishi katika hali ya Mungu. Katika m.14 kuna swali:Ni nani kwetu sisi awezaye kukaa na moto ulao; ni nani kwetu sisi awezaye kukaa na moto uteketezao milele?Zingatia jina katika m.15-16:Ni yeye aendaye kwa haki, anenaye maneno ya adili; ni yeye anayedharau faida ipatikanayo kwa dhuluma; akung'utaye mikono yake asipokee rushwa; azibaye masikio yake asisikie habari za damu; afumbaye macho yake asitazame uovu.Huyu ndiye atakayekaa juu; majabali ni ngome yake; atapewa chakula chake; maji yake hayatakoma. Wenye dhambi wanapaswa kuielewa hali yao mbele ya Mungu. Mwanadamu hawezi kuishi mbele ya Yesu akiwa na uovu wake. Mungu anafananishwa na moto ulao. Maisha ya ubadhirifu yanatuondolea sifa ya kukaa pamoja na Mungu Mtakatifu. Ukisamehewa uasi na dhambi zako unapata uhalali wa kuwa na Kristo.