Soma Biblia Kila Siku 02/2025Mfano

Nyumba ya BWANA ilijengwa juu ya mlima. Siku za mwisho mlima huu utainuliwa juu ya milima mingine na kuwekwa imara. Ni mfano wa jinsi ufalme wa Mungu utakavyoshinda na kuwa mahali pa kukimbiliwa na mataifa yote kwa wingi. Ni matokeo ya jinsi Bwana Yesu alivyoinuliwa. Katika Yn 3:14 Yesu anaeleza mwenyewe kwambakama vileMusa alivyomwinua yule nyoka jangwani, vivyo hivyo Mwana wa Adamu hana budi kuinuliwa. Tukimkimbilia ameahidi kwamba atatuonesha njia zake na kutufundisha kuzienda: Nitakufundisha na kukuonyesha njia utakayoiendea; nitakushauri, jicho langu likikutazama(Zab 32:8). Neno lake litakuwa nuru yetu, na hukumu zake zitaleta amani katika jamii.