Soma Biblia Kila Siku 02/2025Mfano

Mwaka 731 KK Ahazi alikuwa mfalme wa Yuda. Alianza kutawala akiwa na umri wa miaka ishirini hivi. Ahazi alimwacha Bwana akafuata miungu mingine.Akatawala miaka kumi na sita katika Yerusalemu; wala hakufanya mema machoni pa Bwana Mungu wake, kama Daudi babaye. Lakini aliiendea njia ya wafalme wa Israeli, hata akampitisha mwanawe motoni, sawasawa na machukizo ya mataifa Bwana aliowafukuza mbele ya wana wa Israeli. Kisha akatoa sadaka na kufukiza uvumba katika mahali pa juu, na juu ya vilima, na chini ya kila mti mbichi(2 Fal 16:2-4). Ndipo Isaya anatumwa kumwonya. (Soma mwenyewe m.3-9.) Mungu anaahidi kumpa ishara ya ukombozi. Yamhusu Yesu.Bikira atachukua mimba, atazaa mtoto mwanamume, naye atamwita jina lake Imanueli(m.14). Ahazi anakataa. Siye mfano wa kuigwa na wazazi, walezi wala viongozi wa jamii, maana tabia za Ahazi ni chukizo kwa Bwana Mungu. Sisi tulio wana wa Mungu tunapaswa kumheshimu na kufuata yaliyo mapenzi ya Mungu tu, na siyo miungu mingine.