BibleProject | Verlossing in die BybelverhaalSample

Verlossing en Rut

Vandag sien ons 'n pragtige verlossingsverhaal in die boek Rut. Die verhaal begin wanneer ’n verwoestende hongersnood aan die gang is en Naomi en haar gesin na Moab vlug om te oorleef. Maar haar man en seuns sterf daar en laat Naomi en haar skoondogters alleen agter (Rut 1:1-5).

As weduwees is Naomi en Rut veral kwesbaar en het hulle min hoop vir hulle toekoms. Nog erger, Naomi se familiegrond in Israel – wat van een man na ’n ander oorgedra sou word – is nou in gevaar. Naomi keer terug na haar tuisdorp, Betlehem, toe sy hoor dat die hongersnood tot 'n einde kom. En Rut besluit om haarself aan Naomi te verbind en belowe om vir altyd by haar te bly – ongeag wat gebeur (Rut 1:16-17). Rut se moed en liefde trek die aandag van Boas, Naomi se “familie losser” (Rut 2:5-6, 20-21). As ’n nabye familielid kan Boas die eiendom terugkoop wat aan Naomi se oorlede man behoort het.

Boas aanvaar die verantwoordelikheid van losser en koop Naomi se grond terug en trou met Rut. Saam bied Rut en Boas veiligheid vir Naomi en bring hulle ’n seun in die wêreld wat die nageslag sal voortsit wat uiteindelik tot koning Dawid sal lei (Rut 4:22).

Naomi se verhaal begin met verlies en lyding, maar God bring verlossing deur die lojaliteit van Rut en Boas.

Oordenking:
Die video beklemtoon die feit dat die boek Rut amper nooit God noem en nooit wys dat God praat nie (wat seldsaam is in die Hebreeuse Bybel). Hoe beïnvloed dit hoe ons God se rol in die verhaal verstaan? (Wenk: Kyk weer na die laaste twee minute van die video.)
Hoe verander Boas se rol as ’n familie losser, tesame met Rut se lojale liefde, Naomi se verhaal?