Soma Biblia Kila Siku 11/2024Sample

Mfalme Hezekia aliposikia jinsi mfalme wa Ashuru alivyomtukana Mungu aliingiwa na jazba nzuri. Alijinyenyekesha, akararua nguo zake na kuvaa magunia, akaingia nyumbani mwa BWANA na kuomba ushauri kutoka kwa nabii Isaya (m.2). Nabii alituma ujumbe wa kumwondoa wasiwasi Mfalme Hezekia kwamba asiogope, kwani matusi wanayopata watumishi wa Mungu ni matusi kwa Mungu mwenyewe. Kwa hiyo, siyo vizuri kujibishana. Badala yake, ni vizuri kukumbuka kwamba Mungu anasikia, na anangojea tu tumhusishe.