kykNET Lydenstydgids 2025: In die Skadu van GetsemaneSample

Ontken

'n Diensmeisie wat hom in die skynsel van die vuur sien sit het, het hom goed bekyk en gesê: “Dié een was ook saam met daardie man.” Maar Petrus het dit ontken deur te sê: “Juffrou, ek ken Hom nie!” Lukas 22:56-57

"As enige man na My wil kom, laat hy homself ontken en sy kruis opneem en My volg" (Markus 8:34). Bykans instinktief onttrek ons ons van hierdie woorde. Ons is baie meer gemaklik met woorde soos ​"selfvervulling" en ​"selfverwesenliking" as met die gedagte van ​"selfverloëning”. Jesus het byvoorbeeld vir Petrus se siel gebid voordat Petrus Hom verloën het. Vreemd genoeg het Jesus nie gebid dat Petrus Hom nie sou verloën nie. In plaas daarvan het Jesus gebid dat Petrus se geloof nie sou faal nie (Lukas 22:32). As 'n goeie onderwyser het Jesus aan Petrus die geleentheid gegee om foute te maak en gebid dat Petrus 'n blywende, volhardende geloof sou ontwikkel, ongeag, in die middel van, en selfs as gevolg van sy fout. Maar as ons ons foute vrylik kan erken en kies om op die toereikendheid van God te vertrou, sal ons geloof groei en kan ons ander versterk.

Die heftige bevestigings van Petrus en die ander dissipels, dat hulle Christus nie sal verlaat nie, is besondere voorbeelde van hoe dit werk, maar die alledaagse bewegings van die lewe bevestig voortdurend dat hierdie soort mislukking nie net vir ​“godsdienstige” dinge is nie. Dit deurdring elke gebied van menslike bestaan. Ons lewe dikwels in ontkenning en dit verhoed ons om die beste deel van God se koninkryk te beleef. Ontkenning is 'n groot deel van wat geestelike groei in Christus belemmer. In ontkenning weier ons om aspekte in ons lewens te erken waarvan ons vaagweg bewus is, of selfs weet dat dit die geval is, maar nie bereid is om dit openlik te erken en stappe te doen om te verander nie. As gevolg daarvan bly daardie dinge ons optrede beheer en vorm dit ons gedagtes en emosies. Die verdere resultaat van ontkenning is dat wat ons sê ons glo, beoog en wil, nie in die lewe bevestig word nie.

Oefening

• Dink terug aan ‘n onlangse gesprek… Vra die Here om jou bewus te maak van jou ontkennings en te help om te erken dat ons Hom in alles nodig het.
• Net jy ken die grootste ontkennings van jou lewe en hoe groot effek dit op jou lewe het.

Gebed: Ek vra vir ‘n diep bewussyn van u liefde en werk in my lewe.