VreesloosSample

Om te glo, selfs as …

Ware geloof is nie gebaseer op dit wat God vir ons kan doen en in hoe ’n mate Hy ons gebede beantwoord nie. Bybelse geloof gaan daaroor dat ons blý glo wanneer ons nié God se stem hoor nie, wanneer daar nié genesing is nie, wanneer die reën wegbly, wanneer teenslae jou blý tref … wanneer jy die mens wat jy die liefste het, verloor of wanneer jy deur vuur moet stap.

Dis in sulke tye van ontreddering wat ware geloof steeds uitroep: “Here, help my glo! Help my om U ook nou te vertrou. Want self kan ek nie!”

Getroue Vader, ek wíl onwrikbaar glo. Help my asseblief daarmee.

Hierdie oordenkings is geneem uit KRAG VIR ’N VROU SE HART deur Milanie Vosloo © Christelike Uitgewersmaatskappy.