VreesloosSample

Vrees jy altyd die ergste?

God wil nie hê dat ons bang mense sal wees nie. Hy weet hoe maklik die bang-wees-klem wat om ons hart sluit ons vrede, geluk en lewenskwaliteit kan dooddruk. Ons Here wil hê dat ons in die vryheid sal leef dat Hy in al ons behoeftes sal voorsien.

Dit gaan nie vandag help om jou te bekommer oor wat môre kán gebeur nie. Moenie toelaat dat jou bekommernis oor die toekoms jou lewenskwaliteit van vandag steel nie! Die Woord leer ons dat daar niks met ons kan gebeur sonder ons Vader se wil nie en dat Hy in alles baie naby aan ons sal wees.

Here, neem al die onnodige vrese uit my hart en sit in die plek daarvan u vrede.