VreesloosSample

Wees net by Hom

Die Woord van God leer ons dat ons nie “sterk” hoef te wees nie. Op vele plekke in die Bybel sê ons Here vir ons dat ons by Hom nie in beheer hoef te bly nie. Maar dat ons by Hom maar net kan wéés!

Om ons God te vertrou beteken dat ons onsself met oortuiging in sy hande plaas in dié wete dat Hy ons altyd in sy groot genade-arms wil toevou en ons met sy liefde wil bederf. Opregte gebed wat in vertroue gebid word, plaas jou reg voor die troon van God. Daarom kan eerlike hartsgebede berge versit, enigiets verander, mense se harte vernuwe en ’n gees van vrede skep.

Hemelse Vader, hier is ek: swak, onkundig en bang op my eie, maar sterk, vol wysheid en in vertroue saam met U.