FCA 365 Өдрийн Чимээгүй ЦагSample

СААД БЭРХШЭЭЛИЙН ДАВУУ ТАЛ

Харри Флехерти

“Учир нь та нарт зориулж байгаа төлөвлөгөөнүүдийг Би мэдэх бөгөөд тэдгээр
нь та нарт ирээдүй ба найдварыг өгөх гай гамшгийн бус, сайн сайхны төлөөх
төлөвлөгөөнүүд юм” гэж ЭЗЭН тунхаглаж байна.
- Иеремиа 29:11

Тамирчид бие биеэ хүндэлдэг. Бид бүгд нэг зорилгын төлөө өөрсдийгөө бүрэн зориулж
амьдардаг. Тамирчин хүний зорилго болон түүний хэн болох нь байнга амжилт,
гүйцэтгэл дээр тулгуурладаг бөгөөд гүйцэтгэл маань асуудал бэрхшээлээс болж бодож
байснаас минь доогуур болох үед юу болдог вэ? Хэрэв бидний хэн болох нь спортын
амжилтаар тодорхойлогддог бол бид хөдөлгөөнтэй суурин дээр байна гэсэн үг.
Бидний бэрхшээл гэж үздэг зүйлийг Бурхан боломж гэж үздэг гэдгийг санах нь чухал
юм. Иосефыг ах нар нь боол болгож зарсан (Эхлэл 38) бөгөөд үйлдээгүй хэргийнхээ төлөө
13 жил шоронд хоригджээ. Гэсэн хэдий ч Иосеф хүнд зовлонгийн эцэст “Хүмүүс хорон
муугийн төлөө хийснийг Бурхан сайнаар эргүүлсэн” гэж хэлж чадсан юм. Түүний зөв
байсан. Иосеф бүх Египетийг захирах дээрээсээ хоёр дахь хүн болов.
Намайг залуу байхад бөмбөг тоглох нь миний хувьд бүх амьдрал минь байв. Бурхан
намайг төрөлхийн авьяас чадвараар ерөөсөн тул би спортдоо гаргуун байлаа. Дараа нь
бэрхшээл тулгарав. Надтай гэрээ байгуулсан анхны Үндэсний хөлбөмбөгийн лиг намайг
хасав. Би өөрийгөө азгүй, бүтэлгүйтэгч гэж бодоод, амьдрал минь дууслаа л гэж бодсон.
Сэтгэлзүйн шуурганд өртсөн би USFL-ийн бүрэлдэхүүнд багтсан Байндитсд тоглохоор
Тампа Бэй рүү дуртай дургүй явж билээ. Бурханы үгийг сонсох Байндитсын хөтөлбөрийн
үеэр би Есүстэй уулзсан бөгөөд дараа нь Бурхан намайг залуучуудын үйлчлэлд дуудсан юм.
Бидний хувьд урам хугармаар харагдаж байгаа нөхцөл байдалд Бурхан агуу зүйлсийг хийж
чадна. Бид хууран мэхлэх, зодох, шоронд хорих, арслангаар хүрээлүүлэх, багаас хасагдах
гэх мэт ямар ч нөхцөлд орсон бай, энэхүү хүнд хэцүү үеэр дамжуулан гайхалтай боломжийн
төлөө бэлтгэгдэх болно.

1.Танд сүүлийн үед ямар саад бэрхшээл тулгарч байна вэ? Энэ байдал нь таны ямар зан
чанарыг илчлэн харуулж байна вэ?
2.Одоо таны өмнө тулгараад байгаа бэрхшээлд та ямар байдлаар хандах гэж байна вэ?
3.Нэмэлтээр унших: Эхлэл 50:20–21; 1 Самуел 17:45-47; Дуулал 23

Эзэн минь, надад тохиолдож буй зовлон бэрхшээлийг би болон миний эргэн тойронд
байгаа хүмүүс ерөөгдөх боломж гэж, мөн Таныг алдаршуулах нэг арга гэж харах
нигүүлсэл, даруу сэтгэл өгөөч. Амен.