FCA 365 Өдрийн Чимээгүй ЦагSample

ТУЛТАЛ НЬ ХИЙХ НЬ

Ланс Брамли

Тиймээс та нар идсэн ч, уусан ч, юу ч хийсэн
Бурханы алдрын төлөө бүхнийг хий.
- 1 Коринт 10:31

Спортын хувьд “тултал нь хийх” гэдэг нэр томьёог ихэвчлэн биеийн тамирын дасгалтай
холбон ярьдаг. Хүндийн өргөлтийн өрөө, гүйлтийн талбай, эсвэл хурд гэх мэт спортын
чадваруудыг эзэмшихтэй холбоотой үед энэ үгийг ашигладаг. Тамирчин тултал нь хийх
үед, бэлтгэл нь үр дүнгээ харуулж хамгийн сайн гүйцэтгэл үзүүлдэг бөгөөд эдгээрт хүчний
бэлтгэл, гүйлт, авхаалж самбаа шаардсан дасгал, ур чадвараа сайжруулах, бэлтгэл хийх
зэрэг орно. Зөвхөн зөв бэлтгэл хийж байж л тамирчин хүн тултал нь хийж чадна.
Биеийн хүчний бэлтгэл бол амжилтад хүрэхэд шаардлагатай цор ганц бэлтгэл биш
юм. Тамирчин хүн хамгийн сайн гүйцэтгэл үзүүлэхийн тулд зөв үзэл бодолтой болох
шаардлагатай. Тултал нь хийхэд хэрэгтэй үзэл бодлын төлөвшил Эзэнд итгэх итгэлтэй
холбоотой гэж би үздэг. Оюун ухаанаа сургах нь бие махбодоо сургахтай адил чухал юм.
Ялгаа нь гэвэл оюун ухаанаа дадлагажуулан сургахын тулд өөр өөр газраар аялж, эсвэл янз
бүрийн машин техник ашиглах шаардлагагүй. Харин Библи уншин, суралцах шаардлагатай
болдог. Аз болоход Христэд итгэгч бидний хувьд төвөгтэй дасгал хийх шаардлагагүй юм.
Хуваарь гаргах, долоо хоногт тодорхой зайд гүйх, эсвэл тодорхой хугацаанд тойрог зам
дээр сэлэх ч шаардлагагүй. Эзэн бидэнд хэрхэн амьдрах үлгэр жишээ болгон Өөрийн Хүү
Есүс Христийг илгээсэн.
Зөвхөн Есүс Христээр дамжуулан бид хамгийн өндөр гүйцэтгэлд хүрэх хүч чадал, зориг,
сахилга батыг олж чаддаг. Спортын тэмцээн бол Их Эзэнийг орхих газар биш, харин энэ
бол бидний хичээл зүтгэл, шаргуу хөдөлмөр, спортын ур чадвараар Түүнийг алдаршуулах
талбарюм.Энэутгаархарвалбиддасгалжуулагч,бусадтоглогчидэсвэлхөгжөөн
дэмжигчдийн төлөө тултал нь хийх бус, харин Бурханыг алдаршуулахын тулд бүх хүчин
чармайлтаа тавьж байна гэсэн утгатай. Өөрөөр хэлбэл “Эзэний төлөө тултал нь хийцгээе”
гэсэн үг.

1.Та дасгалжуулагчийн хувьд Христийг бэлтгэл, тэмцээнээс гадуур байлгаж байна уу?
2.Илүү ихээр тултал нь хийхийн тулд та юу хийх хэрэгтэй вэ?
3.Нэмэлтээр унших: Иохан 13:12–14; 13:34– 35; Колоссай 3:23–24

Эзэн минь, миний ажил үйлсийг удирдаж, Таныг дагах хүчийг өгөөч. Би Таны хүслийг
харуулж, спортын талбар болон амьдралын бусад талбарууд дээр зөв үлгэр дуурайл
болохыг хүсэж байна. Амен.