Is daar enige manier waarop jy God se straf kan ontvlug en in sy guns kan kom? — Romeine 5:20-21

Ons het al aandag gegee aan hierdie teks. Vandag dink ons spesifiek verder na oor die feit dat Christus die begin van die nuwe menslike geslag is.

1. Paulus beklemtoon met verwysing na Adam die universele impak van die sonde. Hy beklemtoon terselfdertyd die universele impak van die vryspraak in Christus. Hoe dink jy daaroor?

2. Adam is die oorsprong van die menslike geslag. Christus is die oorsprong van die nuwe menslike geslag. Deur Christus voer die genade nou heerskappy eerder as die dood met die heerlike vooruitsig dat dit tot die ewige lewe lei. Hoe raak dit jou?

3. Lees die verse later vandag weer om jou te herinner daaraan dat God se genade heerskappy voer in jou lewe. Hy maak jou regverdig en gee jou die ewige lewe.

4. Jy kan later vanaand die gedeelte weer lees in die konteks van Romeine 5 met die tema: Vryspraak lei tot vrede en vrye toegang.