Soma Biblia Kila Siku/ FEBRUARI 2023Sample

Kabla hajawa Mkristo Paulo alielimika sana katika dini ya Kiyahudi. Alijua maswali ya udadisi ambayo Wayahudi wangeweza kumwuliza kutokana na mafundisho yake. Kwa hiyo ameamua mwenyewe kuyauliza maswali haya na kuyajibu moja moja. Hivyo anawafundisha Wakristo wa Rumi mambo ya msingi ya imani. Paulo anamlinganisha Myahudi na Mmataifa (m.1-2). Sisi tungeweza kumlinganisha Mkristo na Mmataifa na kujibu kama Paulo katika m.2 anaposema, Kwafaa sana kwa kila njia. Kwanza kwa kuwa wamekabidhiwa mausia ya Mungu. Na Myahudi (au Mkristo) kuasi hakumfanyi Mungu kuwa mwongo. Paulo anasema, Ni nini, basi, ikiwa baadhi yao hawakuamini? Je! Kutokuamini kwao kutaubatili uaminifu wa Mungu? Hasha! Mungu aonekane kuwa amini na kila mtu mwongo; kama ilivyoandikwa, Ili ujulike kuwa una haki katika maneno yako, Ukashinde uingiapo katika hukumu (m.3-4)!