Soma Biblia Kila Siku/ FEBRUARI 2023Sample

Basi, twaona ya kuwa mwanadamu huhesabiwa haki kwa imani pasipo matendo ya sheria (m.28). Njia ya kufika kwa Mungu ni moja tu kwa watu wote, nayo ni imani. Imani ya kuamini neema ya Mungu kwamba bila ustahili wangu ananisamehe dhambi zote kwa sababu ya upatanisho katika kifo cha Yesu, ambaye Mungu amekwisha kumweka awe upatanisho kwa njia ya imani katika damu yake (m.25). Kwa kuamini haya twashinda katika kesi yetu mbele ya Mungu, twahesabiwa haki. Mungu ni hakimu na sisi ni washtakiwa. Anatoa hukumu kuwa hatuna dhambi, maana Yesu alipigwa na adhabu ya Mungu badala yetu!