Soma Biblia Kila Siku Januari/2022Sample

Tunalosoma hapa ni tukio la pekee. Ni nini hasa yaliyotokea usiku ule? Ni vigumu kueleza kikamilifu. Yakobo alishuhudia: Nimeonana na Mungu uso kwa uso, na nafsi yangu imeokoka (m.30). Kwa hiyo yule mtu aliyekuja kushindana naye ni Mungu mwenyewe! Alikutana na Hofu ya Isaka, Mtakatifu! Na Yakobo alishinda (m.28, Jina lako hutaitwa tena Yakobo, ila Israeli, maana umeshindana na Mungu, na watu, nawe umeshinda)! Kwa jinsi gani? Badala ya kuangamizwa kutokana na dhambi zake akapata msamaha, akabarikiwa (m.26 na 29, Sikuachi, usiponibariki. … Akambariki huko). Yakobo akashinda, akilia na kumsihi Mungu, imeaelezwa katika Hos 12:4. Hii ni hali ya toba na unyenyekevu inayompendeza Bwana (unaweza kutafakari zaidi jambo hili kwa kusoma Isa 57:15-19).