Soma Biblia Kila Siku Juni 2021Sample

Somo hili linatuonyesha kuwa Yesu anajali matatizo yetu ya kimwili. Baba yetu wa Mbinguni anaguswa rohoni akiona tuna njaa, tumekosa nguo au tukiwa wagonjwa (ukiwa na nafasi unaweza kulinganisha na Mt 6:25-34). Kwa hiyo tunaweza kumwomba kwa ujasiri tukiwa taabuni. Na tukiwa na raha, tusisahau kumshukuru na kuwahurumia wenye mahitaji! Siku hizi Yesu hayupo katikati yetu kama wakati ule. Hata hivyo bado anaendelea kutenda kazi yake ya huruma miongoni mwetu kwa kupitia sisi wafuasi wake. Sisi ni mikono yake, kama tunavyojifunza kutokana na habari ya m.6: Yesu akawaagiza mkutano waketi chini; akaitwaa ile mikate saba, akashukuru, akaimega, akawapa wanafunzi wake wawaandikie; wakawaandikia mkutano.