Soma Biblia Kila Siku Juni 2021Sample

Mambolezo yanaendelea. Licha ya uzuri na heshima alizojichumia mfalme wa Tiro kutokana na wafanyabiashara aliochuuza nao, mahusiano hayo yameleta udhalimu pia, na uovu (m.18a: Kwa wingi wa maovu yako, katika uovu wa uchuuzi wako, umepatia unajisi patakatifu pako). Hakika Mungu atatekeleza hukumu yake juu ya dhambi zake. Na Mungu akishajitukuza hivyo, atakusanya Israeli tena na kurudisha watu wake wakae salama. Bwana MUNGU asema hivi; Nitakapokuwa nimewakusanya nyumba ya Israeli, na kuwatoa katika watu ambao wametawanyika kati yao, na kutakasika kati yao machoni pa mataifa, ndipo watakapokaa katika nchi yao wenyewe, niliyompa mtumishi wangu, Yakobo. Nao watakaa humo salama; naam, watajenga nyumba, na kupanda mashamba ya mizabibu, na kukaa salama; nitakapokuwa nimetekeleza hukumu zangu juu ya watu wote, wanaowatenda mambo ya jeuri pande zote; nao watajua ya kuwa mimi ndimi Bwana, Mungu wao (m.25-26). Matendo yote ya Mungu, ya hukumu na wokovu, yana lengo moja: Nao watajua ya kuwa mimi ndimi Bwana MUNGU (m.22,23,24) - Mungu wao (= Israeli; m.26).