ទាញយកកម្មវិធីទង្វើនៃការកែប្រែចិត្ដគំរូ
ការកែប្រែចិត្ដគំនិតនាំមកនូវការអត់ឱនទោស។ យើងធ្វើការកែប្រែចិត្ដ ហើយព្រះជាម្ចាស់ទ្រង់ជាអ្នកអត់ឱនទោស។ ការកែប្រែចិត្ដ ដឹងនូវកំហុស និង ការអត់ឱនទោស មិនមែនជាគោលគំនិតពិបាកនឹងយល់នោះទេ។ ការកែប្រែចិត្ដ គឺជាសកម្មភាពរបស់យើង ហើយការអត់ឱនទោស គឺជាការឆ្លើយតប ចេញពីសេចក្ដីស្រឡាញ់ដ៏ល្អឥតខ្ចោះរបស់ព្រះជាម្ចាស់ ចំពោះរូបយើងរាល់គ្នា។ ក្នុងខណៈដែលដំណើរនៃការកែប្រែចិត្ដជាកិច្ចការដ៏សាមញ្ញ អំណាចព្រះចេស្ដានៃការអត់ទោសរបស់ព្រះជាម្ចាស់ គឺលើសពីការថ្លែងនិងយល់ដឹងទៅទៀត។ ការអត់ទោសរបស់ព្រះជាម្ចាស់ កំចាត់ចោលរាល់សេចក្ដីងងឹតដែលមាននៅក្នុងជីវិតរបស់យើង ហើយនាំឲ្យយើងចូលមកកាន់ពន្លឺ មិនថាឡើយអំពើបាបណាដែលយើងបានប្រព្រឹត្ដនោះ។ ការអត់ទោសរបស់ព្រះជាម្ចាស់ គ្របបាំងគ្រប់ទាំងអំពើបាប រួមទាំងអំពើបាបរបស់បងប្អូនផង។ តើអំណាចព្រះចេស្ដានៃការប្រោសលោះ ដោយការអត់ទោសរបស់ព្រះជាម្ចាស់ បានបំផ្លាស់បំប្រែ និង ប៉ះពាល់ជីវិតរបស់បងប្អូនយ៉ាងដូចម្ដេចខ្លះ?
អត្ថបទគម្ពីរ
អំពីគម្រោងអាននេះ
ការកែប្រែចិត្ដគំនិត គឺជាគន្លឹះទង្វើសកម្មភាពមួយ ដែលយើងរាល់គ្នាត្រូវការធ្វើ នៅពេលដែលយើងចូលមកស្គាល់ពីអង្គព្រះគ្រិស្ត ហើយចាត់ទុកព្រះអង្គជាព្រះសង្រ្គោះផ្ទាល់ខ្លួនរបស់យើងម្នាក់ៗ។ ការកែប្រែចិត្ដគំនិតគឺជាកិច្ចការរបស់យើង ហើយការអត់អោនទោស គឺជាការឆ្លើយតប ពេញដោយសេចក្ដីស្រឡាញ់ដ៏ល្អឥតខ្ចោះរបស់ព្រះជាម្ចាស់ ចំពោះយើងរាល់គ្នា។ ក្នុងកំឡុងពេល ៥ ថ្ងៃ នៃគម្រោងអាននេះ បងប្អូននឹងទទួលបាននូវអត្ថបទព្រះគម្ពីរប្រចាំថ្ងៃ ហើយនិង ការបរិយាយព្រះគម្ពីរខ្លីៗ ដែលបានគ្រោងទុកឡើង ជាប្រយោជន៍ឲ្យបងប្អូនអាចស្គាល់កាន់តែច្បាស់ នូវសារៈសំខាន់នៃការកែប្រែចិត្ដគំនិត នៅក្នុងដំណើរជីវិតរបស់យើងរួមជាមួយអង្គព្រះគ្រិស្ត។ សម្រាប់សេចក្ដីអានបន្ថែម សូមចូលពិនិត្យតាមតំណរភ្ជាប់នេះ៖ www.finds.life.church
More
We would like to thank Life.Church for providing this plan. For more information, please visit: www.life.church
