ယိၤဟၣ် 15
15
ယ့ၣ်ရှူးမၱာ်သဳာ်ပရှံးသဲာ်မူၤနှဲးနှဲး
1“ယမၱာ်သဳာ်ပရှံးမူၤနှဲးနှဲးကၱာ် အပာ်မၱာ်အခွဲးအံာ်သဳာ်ပရှံး အက့ၤလီၤ. 2စပ့ၢ်ကဲယမ့ၢ် ယဖါ အတသဲာ်နီးတစီာ်နဳၤ, ကၱာ်မဲၤ ဘါသးဘါ အသဲာ်ထာ်ဖီထာ်တစီာ်နဳၤ စာ်ဘိထဲၢ် အကသဲာ် ထာ်ဖီထာ် ဒဳၣ်ချဳကီနဳၤ. 3တဲၤသိၣ်အံာ်သီအံာ် ထဲၢ်ယအံာ်လၤနံၤထဳသံတစီာ် အခဳးအစဲသံပျၱသံစါထဳ. 4အီၣ်ပီၢ်ဒဳယပူၤ, ကၱာ်ယကအီၣ်ကီဒဳ သံပူၤနဳၤ. သဳာ်ပရှံးဖါကတအီၣ်ဝဲၢ်မၤ အမူၤကျိၤလီၤနီးနဳၤ, အတသဲာ်ဓီ ဇၤနီး. သံကတအီၣ်ကိာ်မၤယကါ နီးဒဳၣ်, သံတသဲာ်တဖီဇၤနီး.
5“ယမၱာ်သဳာ်ပရှံးမူၤကၱာ်သံမၱာ်အမ့ၢ်အဖါလီၤ. ပၠၤအအီၣ် ယပူၤကၱာ် ယအီၣ်အပူၤတပွဲၤနဳၤ, ကသဲာ်ထာ်ဖီထာ်ကီပွ့တမံၤ. မၱတမၱာ်ဒဳ ယဲၤနီးနဳၤ သံတမဲၤဇၤတၤတမံနီး. 6ပၠၤတပွဲၤကတအီၣ်မၤဒဳယပူၤနီးဒဳၣ်, စကဘဲာ်ဝှ့ဖျီးမံကီ အစာ်ဘိ သဳာ်ဖါနဳၤကၱာ်အကဝှ့ကီ, ပၠၤကသရူက့ၤဝှါစဲာ်, စကထၱးထာ်နံၢ်ကီမှၱးကျဲကၱာ်ရွှံးကဲကီစဲာ်. 7သံကအီၣ်မၤဒဳယပူၤကၱာ် ယတဲၤယၱၢ်ဘဲာ် ကအီၣ် မၤသံပူၤဒဳၣ်, သံသးအဲးနံၤ တဲၤအရါတၤပီၢ်, ကၱာ်တဲၤ ကအံာ်လၤနံၤကီသံ. 8ယပာ်အဟံအထဲကဘဲာ်ဒဲလၱၢ်ထာ်ကီဒဳသံသဲာ်ထာ်ဖီထာ်အီးအဲးအီးအီးအစဲ, ကၱာ်တဲၤ ယဳၤအခဳးအစဲ, သံကဖၱထာ်ကီယပျဲၢ်ယဘီၣ် တစီာ်နဳၤ. 9အစာ် ဘိယပာ်ဘဲာ်လီၢ်ယဲၤနဳၤ, ယဘဲာ်လီၢ်ကဲၤသံ. အီၣ်ပီၢ်ယတဲၤဘဲာ်လီၢ် အပူၤ. 10အစာ်ဘိယအီၣ်အံာ်ထဳယပာ်အတဲၤမှဲးလၤတစီာ် ကၱာ်အီၣ် ကဲၤစတဲၤဘဲာ်လီၢ်အပူၤနဳၤ, အီၣ်အံာ်ပီၢ်ယတဲၤ မှဲးလၤတစီာ်နဳၤကၱာ်အီၣ် ပီၢ်ယတဲၤဘဲာ်လီၢ်အပူၤ. 11ယဒီဆးထဳသံတဲၤမှဲးလၤအယဳၤတစီာ်နဳၤ စာ်ဘိထဲၢ်ယတဲၤသးကနၢ်အံာ်ကအီၣ်ပီၢ်သံပူၤကၱာ် သံတဲၤသး ကနၢ်အံာ်ကပ့ထာ်ပီၢ်နဳၤ. 12အယဳၤမၱာ်ယတဲၤမှဲးလၤ, သံကဘဲာ် လီၢ်လှဲးပီၢ်လၢ်ဝၤ အစာ်ဘိယဘဲာ်လီၢ်သံနဳၤ. 13တဲၤဘဲာ်လီၢ် အဓဳၤလံပၠၤအအံာ်လၤဖျီးမံအသးသမိအခီအသီၣ်တစီာ် အနံၤခံနဳၤတအီၣ် မဲၤနီး. 14သံကမဲၤကိာ်မၤ ယတဲၤမှဲးလၤသံတစီာ်အကါဒဳၣ်, သံ မၱာ်ယသီၣ်တစီာ် လီၤ. 15ယတယဳၤပ့ၤသံဇိၤပွဲၤနီး. မၤနဲၢ်, ဇိၤဖဳးတသၱာ်ဟဲ စဘၱာ်စဲာ်မဲၤတၤနဲၢ်နဳၤနီးအခဳးအစဲနဳၤ. မၱာ်ယယဳၤထဳသံအသီၣ်တစီာ်, မၤနဲၢ် ကယါယသၱာ် ဟဲဘဲာ်ဒဳအပာ်အီၣ်တစီာ်နဳၤ, ယမဲၤသၱာ်ဟဲထဳသံအခဳး အစဲနဳၤ. 16သံတရိၤကဲၤ ယဲၤနီး, မၱာ်ယရိၤကဲၤသံတခီ ကၱာ်နှးကဲၤသံလ့ၤကၱာ် သဲာ်ထာ်ဖီထာ် ကၱာ် သံဖီသံသဲာ် ကအီၣ်မှ့းအီၣ်ကျဳၤ, စာ်ဘိထဲၢ်တဲၤအရါသံတၤယပာ် ဒဳယမံၤအပူၤတစီာ်ကဘဲာ်အံာ်လၤနံၤပီၢ်သံနဳၤ. 17ယမှဲးလၤသံတဲၤအယဳၤတစီာ် စာ်ဘိထဲၢ် သံကဘဲာ်လီၢ်လှဲးပီၢ်လၢ်ဝၤနဳၤ” စဒီၣ်လၢ်ဝၤတစီာ်ဓဳၤ.
လၢ်ခဳးအတဲၤတဝဲၢ်တဆဲနီး
18“လၢ်ခဳးတဝဲၢ်တဆဲမၤသံနီးဒဳၣ်, ကမဳၤ ထာ်နံၤပီၢ်အတဝဲၢ်တဆဲယဲၤနီးမၱာ်အအူဆူးတခီ. 19သံကဘဲာ်ကၠးမၤလၢ်ခဳးဒဳၣ်, အကဘဲာ်လီၢ်တပွဲး သံ အစာ်ဘိအဘဲာ်လီၢ်အအဲနဳၤ. ပရၤဆါသံတဘဲာ် ကၠးလၢ်ခဳးနီး, မၱာ်ယရိၤထာ်ကဲသံဒဳလၢ်ခဳးနဳၤဒဳၣ်, လၢ်ခဳးတဝဲၢ်တဆဲတပွဲးသံနီး. 20ကမဳၤထာ် နံၤတဲၤယၱၢ်ဘဲာ်ယဒီၣ်ထဳသံတမှိထဲၢ်, ‘ဇိၤ ဖဳးတဓဳၤလံ အဘၱာ်စဲာ်နီး,’ နဳၤ. စဲာ်တစီာ်ကလိၤ မဲၤဆဲးညဲယဲၤဒဳၣ်, စကမဲၤဆဲးညဲကီသံသံ. စဲာ်တစီာ်ကအီၣ်အံာ်မၤ ယတဲၤယၱၢ်ဘဲာ်ဒဳၣ်, စကအီၣ် အံာ်တပွဲးသံတဲၤယၱၢ် ဘဲာ်ဘဲာ်. 21ပရၤဆါ စဲာ် တစီာ်ကမဲၤ ကီကယဳၤဒဳယမံၤအစဲနဳၤ, မၤနဲၢ်, စဲာ်တစီာ်တသၱာ်ဟဲကဲၤ ထဲၢ်အသဓဳ လ့ၤယဲၤတပွဲၤမၱာ်ပီၢ်ပွဲၤနဳၤအခဳးအစဲလီၤ. 22ဘ့ာ်မ့ယကတလ့ၤ ကၱာ် ယၱၢ်ဘဲာ်ထၱးမၤစဲာ် တစီာ်နဳၤနီးဒဳၣ်, စတဲၤခီၣ်ဝဲၤကတအီၣ်တပွဲးနီး. မၱာ်ခဳ နဳၤယဳၤ, စဲာ်တစီာ်တခၠၱးလှိဇၤပ့ၤအတဲၤခီၣ်ဝဲၤအနံၤခံ နီး. 23ပၠၤအတဝဲၢ်တဆဲယဲၤနီးတပွဲၤနဳၤ, တဝဲၢ် တဆဲယပာ်နီးနီး. 24ယကတမဲၤမၤတဲၤမဲၤထဲၢ် ပၠၤတပွဲတမဲၤနှၱနီးဒဳစဲာ်တစီာ်အလှီမီၢ်နီးဒဳၣ်, စတဲၤခီၣ် ဝဲၤကတအီၣ်တပွဲးနီး. ပရၤဆါ, ခဳနူၤယဳၤစဲာ်တစီာ် စာ် ထၱးထဳ ယတဲၤမဲၤ, ကၱာ်တဝဲၢ်တဆဲယဲၤကၱာ်အပာ်နီး. 25အယဳၤမၱာ်အစာ် ဘိတဲၤယၱၢ်ဘဲာ်အဝှ့းလၤဒဳ တဲၤမှဲးလၤအပူၤတစီာ်ကပ့ထာ်ပီၢ်နဳၤ, ထဲၢ်အဒီၣ်, ‘အဝၱၤအကဲတအီၣ်နီးကၱာ်စဲာ်တစီာ်တဝဲၢ်တဆဲယဲၤ နီး,’ နဳၤ.
26“ပရၤဆါဒဳၣ်, ထိမၱာ်အမဲၤဇဳၤတဲၤအမၱာ် ကဘၱာ်စဲာ်အသး ထဲၢ်အဒဲလၱၢ်တဲၤတၱၢ်တၤမှး အဘဲာ်ကၠးကဘၱာ်စဲာ်နဳၤ, ကအီၣ်ဒဳအပာ် အီၣ်ကၱာ် လ့ၤကီ. စဲာ်ထဲၢ်အအီၣ်ထာ်ကၱာ်ပာ်တပွဲၤနဳၤကခး ကီယနံၤခံသဲ သၱး. 27ကၱာ်သံမၱာ်မၱာ် သံကခး ကိာ်ကီကီ. မၤနဲၢ်, လှ့အကါထၱး နဳၤ သံအီၣ်ကိာ်ကဲၤ ယကါအခဳးအစဲနဳၤ,” စဒီၣ်လၢ်ဝၤဓဳၤ.
ទើបបានជ្រើសរើសហើយ៖
ယိၤဟၣ် 15: GBA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Geba Roman New Testament © Bible Society of Myanmar, 2021.
