ខគម្ពីរពេញនិយមពី ယိၤဟၣ် 15

ចែក​រំលែក

“​ယ​မၱာ်​သဳာ်​ပ​ရှံး​မူၤ​ကၱာ်​သံ​မၱာ်​အ​မ့ၢ်​အ​ဖါ​လီၤ. ပၠၤ​အ​အီၣ် ယ​ပူၤ​ကၱာ် ယ​အီၣ်​အ​ပူၤ​တ​ပွဲၤ​နဳၤ, က​သဲာ်​ထာ်​ဖီ​ထာ်​ကီ​ပွ့​တ​မံၤ. မၱ​တ​မၱာ်​ဒဳ ယဲၤ​နီး​နဳၤ သံ​တ​မဲၤ​ဇၤ​တၤ​တ​မံ​နီး.

အီၣ်​ပီၢ်​ဒဳ​ယ​ပူၤ, ကၱာ်​ယ​က​အီၣ်​ကီ​ဒဳ သံ​ပူၤ​နဳၤ. သဳာ်​ပ​ရှံး​ဖါ​က​တ​အီၣ်​ဝဲၢ်​မၤ အ​မူၤ​ကျိၤ​လီၤ​နီး​နဳၤ, အ​တ​သဲာ်​ဓီ ဇၤ​နီး. သံ​က​တ​အီၣ်​ကိာ်​မၤ​ယ​ကါ နီး​ဒဳၣ်, သံ​တ​သဲာ်​တ​ဖီ​ဇၤ​နီး.

သံ​က​အီၣ်​မၤ​ဒဳ​ယ​ပူၤ​ကၱာ် ယ​တဲၤ​ယၱၢ်​ဘဲာ် က​အီၣ် မၤ​သံ​ပူၤ​ဒဳၣ်, သံ​သး​အဲး​နံၤ တဲၤ​အ​ရါ​တၤ​ပီၢ်, ကၱာ်​တဲၤ က​အံာ်​လၤ​နံၤ​ကီ​သံ.

သံ​တ​ရိၤ​ကဲၤ ယဲၤ​နီး, မၱာ်​ယ​ရိၤ​ကဲၤ​သံ​တ​ခီ ကၱာ်​နှး​ကဲၤ​သံ​လ့ၤ​ကၱာ် သဲာ်​ထာ်​ဖီ​ထာ် ကၱာ် သံ​ဖီ​သံ​သဲာ် က​အီၣ်​မှ့း​အီၣ်​ကျဳၤ, စာ်​ဘိ​ထဲၢ်​တဲၤ​အ​ရါ​သံ​တၤ​ယ​ပာ် ဒဳ​ယ​မံၤ​အ​ပူၤ​တ​စီာ်​က​ဘဲာ်​အံာ်​လၤ​နံၤ​ပီၢ်​သံ​နဳၤ.

တဲၤ​ဘဲာ်​လီၢ် အ​ဓဳၤ​လံ​ပၠၤ​အ​အံာ်​လၤ​ဖျီး​မံ​အ​သး​သ​မိ​အ​ခီ​အ​သီၣ်​တ​စီာ် အ​နံၤ​ခံ​နဳၤ​တ​အီၣ် မဲၤ​နီး.

စ​ပ့ၢ်​ကဲ​ယ​မ့ၢ် ယ​ဖါ အ​တ​သဲာ်​နီး​တ​စီာ်​နဳၤ, ကၱာ်​မဲၤ ဘါ​သး​ဘါ အ​သဲာ်​ထာ်​ဖီ​ထာ်​တ​စီာ်​နဳၤ စာ်​ဘိ​ထဲၢ် အ​က​သဲာ် ထာ်​ဖီ​ထာ် ဒဳၣ်​ချဳ​ကီ​နဳၤ.

အ​ယဳၤ​မၱာ်​ယ​တဲၤ​မှဲး​လၤ, သံ​က​ဘဲာ် လီၢ်​လှဲး​ပီၢ်​လၢ်​ဝၤ အ​စာ်​ဘိ​ယ​ဘဲာ်​လီၢ်​သံ​နဳၤ.

ယ​ပာ်​အ​ဟံ​အ​ထဲ​က​ဘဲာ်​ဒဲ​လၱၢ်​ထာ်​ကီ​ဒဳ​သံ​သဲာ်​ထာ်​ဖီ​ထာ်​အီး​အဲး​အီး​အီး​အ​စဲ, ကၱာ်​တဲၤ ယဳၤ​အ​ခဳး​အ​စဲ, သံ​က​ဖၱ​ထာ်​ကီ​ယ​ပျဲၢ်​ယ​ဘီၣ် တ​စီာ်​နဳၤ.

“​ယ​မၱာ်​သဳာ်​ပ​ရှံး​မူၤ​နှဲး​နှဲး​ကၱာ် အ​ပာ်​မၱာ်​အ​ခွဲး​အံာ်​သဳာ်​ပ​ရှံး အ​က့ၤ​လီၤ.

ပၠၤ​တ​ပွဲၤ​က​တ​အီၣ်​မၤ​ဒဳ​ယ​ပူၤ​နီး​ဒဳၣ်, စ​က​ဘဲာ်​ဝှ့​ဖျီး​မံ​ကီ အ​စာ်​ဘိ သဳာ်​ဖါ​နဳၤ​ကၱာ်​အ​က​ဝှ့​ကီ, ပၠၤ​က​သ​ရူ​က့ၤ​ဝှါ​စဲာ်, စ​က​ထၱး​ထာ်​နံၢ်​ကီ​မှၱး​ကျဲ​ကၱာ်​ရွှံး​ကဲ​ကီ​စဲာ်.

ယ​ဒီ​ဆး​ထဳ​သံ​တဲၤ​မှဲး​လၤ​အ​ယဳၤ​တ​စီာ်​နဳၤ စာ်​ဘိ​ထဲၢ်​ယ​တဲၤ​သး​က​နၢ်​အံာ်​က​အီၣ်​ပီၢ်​သံ​ပူၤ​ကၱာ် သံ​တဲၤ​သး က​နၢ်​အံာ်​က​ပ့​ထာ်​ပီၢ်​နဳၤ.

အ​စာ်​ဘိ​ယ​အီၣ်​အံာ်​ထဳ​ယ​ပာ်​အ​တဲၤ​မှဲး​လၤ​တ​စီာ် ကၱာ်​အီၣ် ကဲၤ​စ​တဲၤ​ဘဲာ်​လီၢ်​အ​ပူၤ​နဳၤ, အီၣ်​အံာ်​ပီၢ်​ယ​တဲၤ မှဲး​လၤ​တ​စီာ်​နဳၤ​ကၱာ်​အီၣ် ပီၢ်​ယ​တဲၤ​ဘဲာ်​လီၢ်​အ​ပူၤ.

ယ​မှဲး​လၤ​သံ​တဲၤ​အ​ယဳၤ​တ​စီာ် စာ်​ဘိ​ထဲၢ် သံ​က​ဘဲာ်​လီၢ်​လှဲး​ပီၢ်​လၢ်​ဝၤ​နဳၤ” စ​ဒီၣ်​လၢ်​ဝၤ​တ​စီာ်​ဓဳၤ.

သံ​က​ဘဲာ်​ကၠး​မၤ​လၢ်​ခဳး​ဒဳၣ်, အ​က​ဘဲာ်​လီၢ်​တ​ပွဲး သံ အ​စာ်​ဘိ​အ​ဘဲာ်​လီၢ်​အ​အဲ​နဳၤ. ပ​ရၤ​ဆါ​သံ​တ​ဘဲာ် ကၠး​လၢ်​ခဳး​နီး, မၱာ်​ယ​ရိၤ​ထာ်​ကဲ​သံ​ဒဳ​လၢ်​ခဳး​နဳၤ​ဒဳၣ်, လၢ်​ခဳး​တ​ဝဲၢ်​တ​ဆဲ​တ​ပွဲး​သံ​နီး.