ខគម្ពីរពេញនិយមពី ஆதியாகமம் 24

ចែក​រំលែក

அவன், “கர்த்தரே, என் எஜமான் ஆபிரகாமின் இறைவனே, இன்று எனக்கு வெற்றியைத் தந்து, என் எஜமான் ஆபிரகாமுக்கு நிலையான அன்பைக் காட்டுவீராக.

நான் இங்கு வரும் ஒரு பெண்ணிடம், ‘உன் குடத்தைச் சரித்து நான் குடிக்கும்படி தண்ணீர் ஊற்று’ என்று சொல்வேன். அப்போது, ‘தாராளமாக அருந்துங்கள், உமது ஒட்டகங்களுக்கும் தண்ணீர் ஊற்றுவேன்’ என்று சொல்கிறவள் யாரோ, அவளே உமது அடியவனாகிய ஈசாக்குக்கு நீர் தெரிவுசெய்த பெண்ணாயிருக்கட்டும். இதனால் என் எஜமான் ஆபிரகாமுக்கு நிலையான அன்பைக் காண்பித்தீர் என்பதை நான் அறிந்துகொள்வேன்” என்று தனக்குள் மன்றாடினான்.

ஈசாக்கு ரெபேக்காளைத் தன் தாய் சாராளின் கூடாரத்துக்குள் அழைத்துச் சென்று, அவளைத் திருமணம் செய்தான். அவள் அவனுக்கு மனைவியானாள், அவன் அவளை நேசித்தான். தன் தாயின் மரணத்துக்குப்பின் ஏற்பட்ட துக்கத்திலிருந்து இப்படியாக அவனுக்கு ஆறுதல் கிடைத்தது.

அவர்கள் ரெபேக்காளை ஆசீர்வதித்து சொன்னதாவது, “எங்கள் சகோதரியே, நீ ஆயிரம் பத்தாயிரமாகப் பெருகுவாயாக; உன் சந்ததியினர் தங்கள் எதிரிகளின் நகரங்களைத் தங்களுக்கு உரிமையாக்கிக் கொள்வார்களாக.”

பரலோகத்துக்கு இறைவனும், பூமிக்கு இறைவனுமாகிய கர்த்தரின் பெயரால் எனக்குச் சத்தியம் செய்யவேண்டும். நான் வசிக்கும் இந்த கானானியர்களினது மகள்மாரில் எந்த ஒரு பெண்ணையும் என் மகனுக்கு திருமணம் செய்து கொடுக்க மாட்டேன் என்றும், என் நாட்டுக்கும், என் உறவினரிடத்துக்கும் போய், என் மகன் ஈசாக்குக்கு அங்கிருந்து ஒரு பெண்ணைத் திருமணம் செய்து கொடுப்பேன் என்றும் சத்தியம் செய்யவேண்டும்” என்றார்.