ខគម្ពីរពេញនិយមពី လူၤကၣ် 8

ចែក​រំលែក

ပ​ရၤ​ဆါ​တဲၤ​ခွံ​ထဲၢ်​အ​လၤ​တ့ၢ်​နံၤ​ဟၣ်​ဟၱး​အ​ဝၱၤ​ခဳး တ​စီာ်​နဳၤ, မၱာ်​ပၠၤ ထဲၢ်​အ​အီၣ်​အံာ်​တဲၤ​သဳး​ဝၱၤ​သး​မီၤ တ​စီာ်​နဳၤ​သၱာ်​ဟဲ​ဘဲာ်​ဝှါ​က​ဘၱာ်​စဲာ်​အ​လ့ၢ် အ​ဝှဲး​ဒဳၣ် ဖၱး​ကျဳၤ​ပိာ်​ကျဳၤ​မှ့း​ကၱာ်​သဲာ်​ထာ်​ဖီ​ထာ်​ဒဳ တဲၤ​ခီး​သး​ဒီ ဝၱၢ်​သး​ဇဳၤ အ​ပူၤ​တ​စီာ်​နဳၤ.

တဲၤ​ခွံ​အ​လၤ​တ့ၢ်​နံၤ​တၤ​ဆူး​တဲၤ​ဖၱ​အ​ကျဲ​တ​စီာ်​မၱာ် ပၠၤ​ထဲၢ်​အ​ဆီး​ခ့​န့း​ဝှါ​က​ဘၱာ်​စဲာ်​အ​လ့ၢ်​အ​ဝှဲး အ​လိၤ​ကိာ် အ​တဲၤ​သး အဲး​နံၤ​အ​ကါ, အ​ဘဲာ်​အဳး​ထာ်​သံ​ဒဳ တဲၤ​ဘဲာ် ၡဳ​ဘဲာ်​မၤ, အူ​စာ်​လဲၤ​ခၠါ ကၱာ် တဲၤ​မဲၤ​မီၤ​မဲၤ​မၤ အ​န့ၤ​အ​ပူၤ​နဳၤ​ဒဳၣ် အ​သဲာ်​အ​ဖီ​တ​မှံ​ဇၤ​နီး​တ​စီာ်​နဳၤ.

တဲၤ​ခွံ​အ​လၤ​တ့ၢ် လဳၤ​ဆီး​ခဳး​တ​စီာ် မၱာ်​ပၠၤ ထဲၢ်​အ​သၱာ်​ဟဲ​ဘဲာ်​ဝှါ​က​ဘၱာ် စဲာ်​အ​လ့ၢ်​အ​ဝှဲး, ဒဳၣ်​အ​ဖၱး​နံၤ​သး​လဳၢ်​သး လၤ​အံာ် တ​ပွဲး. ပ​ရၤ​ဆါ မဲၤ​အ​စာ်​ဘိ​တဲၤ​ခွံ​ထဲၢ်​အ​ခၣ်​ဝံၤ​တ​လၤ​ယီၢ်​နီး​အ​ခီ​နဳၤ. စဲာ်​တ​စီာ်​အ​တဲၤ​ဘူၣ်​မၱာ်​တ​ဒဳ​တ​ဆး, ကၱာ် ဘ့​တဲၤ​နှး​ကါ​ဘဲာ်​စဲာ် အ​ခၠၱး, စ​က့ၤ​ဖျီး​တ​ပွဲး.

ကၱာ်​ယ့ၣ်​ရှူး​ဒီၣ်​ကဲၤ​စ​ပျဲၢ်​စ​ဘီၣ် တ​စီာ်, “​သံ​တဲၤ ဘူၣ်​အီၣ်​ဒီၣ်​လဲၢ်” စ​ဒီၣ်​ကဲၤ လၢ်​ဝၤ​ဓဳၤ. စဲာ်​တ​စီာ်​ၡံး​ဆါ, ထဲး​တ​မိၢ်​တ​မှါ ကၱာ်​လၤ​ဒီၣ်​လှဲး ကဲၤ​လၢ်​ဝၤ, “​အ​ယဳၤ​မၱာ်​ကဲၤ​ပီၢ်​ပွဲၤ, စ​ထူး​လၤ​မှဲး​လၤ က​လံၤ​မဳၤ​ဘံ​ကၱာ်​ပဲာ်​လဲာ်​ဓဳၤ​ဒဳၣ် အ​ဆီး​ခ့​န့း​မၤ​ကဲၤ စ​လ့ၢ်​နဲၢ်” စဲာ်​တ​စီာ်​ဒီၣ်​ကဲၤ​ဓဳၤ.

တဲၤ​ခွံ အ​အီၣ်​ကျဲး​ဝဳၢ်​လီၤ တ​စီာ်​မၱာ်​ပၠၤ​ထဲၢ်​အ​သၱာ်​ဟဲ​ဘဲာ်​ဝှါ က​ဘၱာ်​စဲာ်​အ​လ့ၢ်​အ​ဝှဲး​ဒဳၣ်​တဲၤ​ၡံး​တဲၤ​နှဲး လ့ၤ​ကၱာ်​ဖၱး​ကဲ တ​ပွဲး​ဒဳ​စ​သး​အ​ပူၤ​နဳၤ​စာ်​ဘိ​ထဲၢ် စ​က​တ​ဘူၣ်​နီး​ကၱာ် ဘဲာ် လှိ​ထာ်​က့ၤ​ပီၢ်​နီး​နဳၤ.

“​မၤ​နဲၢ်​ဒဳၣ်​တဲၤ​အ​ဟူၣ်​အ​ဇီၤ​တ​လှၱ တ​ပျါ​နီး​နဳၤ​တ​အီၣ်​တ​မံ နီး, ကၱာ်​ပၠၤ​လဲၢ်​ဟူၣ်​တဲၤ​တ​စီာ် နဳၤ​က​လၱၢ်​ထာ်​ကီ​တဲၤ​လှၱ​အ​ကျဲ.

ဘ့​အ​မံၤ​မှူး တ​ပွဲၤ​စာ်​ထၱး​ကဲၤ​ထဲၢ်​စ​တ​အီၣ်​တ​ဘံ​တ​ဘး​ဇၤ​ပ့ၤ​နီး နဳၤ​ဒဳၣ်, စ​လ့ၤ​အ​လှီ​မီၢ်, စ​က​နၢ်​တ​ဇၱၤ​ဝှါ ကီၢ်​လၤ​ကဲၤ ဒဳ​ယ့ၣ်​ရှူး​အ​ခၣ်​ထၱး​ကၱာ်​ဒီၣ်​လှၱ​ထာ်​ဖျီ​ထာ်​ကဲၤ ထဲၢ် စ​တီး ဘဲာ်​မၤ​လၢ်​ဝၤ​အ​ဝၱၤ​အ​ကဲ, ကၱာ်​စ​တဲၤ​ဆဲ​လှဲ​မဲၢ် တ​ပျာ်​ခါ​လီၤ​အ​ဝၱၤ​အ​ကဲ​ဒဳ ပၠၤ​လဳ​စါ​စဲး​အ​လှီ​မီၢ်​နဳၤ. ယ့ၣ်​ရှူး​ဒီၣ်​စဲာ် “​အ​ဖဳး​မူၤ, န​တဲၤ​ဘူၣ်​မဲၤ လှိ​ထာ်​ထဳ​နဲၤ​ထဳ. က့ၤ​မီၤ​မီၤ​ပီၢ်.”

မဲၤ​က​နဳၤ​ဒဳၣ်​အ​ပျဲၢ်​အ​ဘီၣ် တ​စီာ်​လ့ၤ​ထၱး​ကဲၤ​ယ့ၣ်​ရှူး, ထဳး​ဝဲၢ်​စဲာ်, ကၱာ်​ဒီၣ်, “​ဆ​ရၣ်, ဆ​ရၣ်, ဝၤ​က​သံ​က​လှဲ​မဲၢ်​တ​ပွဲး​ကဲၤ​ယဳၤ” စ​ဒီၣ်​လၢ်​ဝၤ​ဓဳၤ. ဘ့​နဳၤ​ယ့ၣ်​ရှူး​ဝဲၢ်​ထဳး​ကၱာ်​ဟီ​ကဲၤ​ဝှဲး​ထံ​က​လံၤ ကၱာ်​အ​ဆီ​တ​ဘး​ဒဳၣ်, ပွဲး​အ​လၤ​ပွဲး, တဲၤ​အီၣ်​ဇီၤ လီၤ​ကဲၤ.