ខគម្ពីរពេញនិយមពី လူၤကၣ် 7

ចែក​រំលែក

မဲၤ​က​နဳၤ​ဒဳၣ် ယ​ဒီ​ဆး​နဲၤ, စ​တဲၤ​ခီၣ်​ဝဲၤ​အီၣ် အဲး​အီး​အီး​နီၣ်​သီ​နှီ​နူၤ, ဒဳ​စ​တဲၤ​ဘဲာ်​လီၢ်​ဓဳၤ အ​ခဳး​အ​စဲ, စ​တဲၤ​ခီၣ်​ဝဲၤ​တ​စီာ်​ဘဲာ်​ဘး​လှိ​လဳ​ထဳ,” စ​ဒီ​ဆး​ကဲၤ လၢ်​ဝၤ​ဓဳၤ. မဲၤ​ဝှါ​စ​ဒီၣ်​ကဲၤ​အ​မံၤ​မှူး, “​န​တဲၤ​ခီၣ်​ဝဲၤ တ​စီာ်​ဘဲာ်​ဘး​လှိ​လဳ ထဳ” စ​ဒီၣ်​လၢ်​ဝၤ​ဓဳၤ.

ပ​ရၤ​ဆါ​စ​ဒီၣ်​ကဲၤ​အ​မံၤ​မှူး, “​န​တဲၤ​ဘူၣ် မဲၤ​လှိ​ထာ်​က့ၤ​ထဳ နဲၤ, က့ၤ​ပီၢ်​ဒဳ​တဲၤ​စဳး​တဲၤ​မီၤ​အ​ပူၤ​နဳၤ” စ​ဒီၣ်​လၢ်​ဝၤ​ဓဳၤ.

ကၱာ်​ဆီ​ထဳး​အီး​ကဲၤ​ဒဳ​ယ့ၣ်​ရှူး အ​ကါ​တ​ဆူ လါ​နဳၤ. စ​ထဲ​လါ​ကဲၤ​စ​ကၢ်​ဓူ​ထံ​ဒဳ​ယ့ၣ်​ရှူး​အ​ခၣ်​လှဲာ်​ခဳး ကၱာ်​ထိ ဘါ​အံာ်​ကဲၤ​စ​ခူၣ်​လူ​ကၱာ်​စ​စွၱး​ကဲၤ. မဲၤ​ဝှါ​စ​သ​ဖြိး​ကဲၤ​လၢ်​ဝၤ​အ​ခၣ်​ခဳး​ကၱာ် ဆံး​အ​နှူ​ဝံာ်.

မဲၤ​က​နဳၤ, ယ​က​မဳၤ​ကီ ယဲၤ​သဲ​န့ၤ, ယ​တ​တး​မဲၤ​အ​က​လ့ၤ​ထၱး​နဲၤ​နီး​နဳၤ. မၱာ် ဒီၣ်​ပီၢ်​န​လ့ၢ်​တ​မှိ​လီၤ​ကၱာ်​ယ​ဇိၤ​ဖဳး​က​မှး​က့ၤ​တ​ပွဲး. မၤ​နဲၢ်​က​ဒီၣ်​ဓဳၤ​ဒဳၣ်, ယဲၤ​မၱာ်​ပၠၤ​အ​အီၣ်​တဲၤ​ကါ လဲၢ်​တ​ပွဲၤ, ကၱာ် ကျံ​ဖဳး​အ​အီၣ်​ယ​ကါ​လဲၢ်​တ​စီာ်​စီာ်, ကၱာ်​ဘ့​ယ​ဒီၣ်​ကျံ​ဖဳး​တ​ပွဲၤ​ပွဲၤ, ‘​လ့ၤ,’ ဒဳၣ်​စ​လ့ၤ​တ​ပွဲး. ကၱာ်​ယ​ဒီၣ်​အ​လ​ဝ့ၤ​တ​ပွဲၤ​ပွဲၤ, ‘​လ့ၤ​ဘ့​ယဳၤ,’ ဒဳၣ်​စ​လ့ၤ ထၱး​တ​ပွဲး​ယဲၤ, ကၱာ်​ဘ့​ဒီၣ်​ယ​ဇိၤ​ယ​ပွဲၤ​တ​ပွဲၤ​ပွဲၤ, ‘​မဲၤ​တဲၤ​အ​ယဳၤ,’ ဒဳၣ်​စ​မဲၤ​တ​ပွဲး.” ဘ့​ယ့ၣ်​ရှူး​သၱာ်​ဟဲ​ဘဲာ်​တဲၤ​အ​ယဳၤ​ဒဳၣ်, စ​ထဲး​တ​မိၢ်​တ​မှါ, စ​စာ်​ဘး​ဝှါ ပၠၤ​အ​ပဳၤ​အ​ဟီး​အ​လ့ၤ ကိာ် စ​လ့ၤ​တ​စီာ်​ဒဳၣ်, “​ယ​ဒီ​ဆး​သံ အ​တၱၢ်​အ​မှး, ဒဳ​အံၣ် စ​ရ့​လး​ဖဳး​တ​စီာ်​အ​ကျဲ​နှီ​နူၤ, ယ​တ​ပး​ထၱး​တဲၤ​ဘူၣ်​အ​ဓဳၤ ပွ့ က​ယဳၤ​နီး.”

ဘ့​နဳၤ​အ​ခၠၱး​မၱာ်​ယ့ၣ်​ရှူး​မဲၤ​မှး​က့ၤ​ပၠၤ အ​ရွှံး​အ​ဆဲ, တဲၤ​ဆဲ​အ​မဳ​မဳၤ, တဲၤ​နှဲး​ဖၱး​ဘဲာ်​တ​စီာ်​ကၱာ် စ​မဲၤ​လှၱ​ထာ်​က့ၤ​ပၠၤ​ကၢ်​ဓူ​အ​ခၠၱး​အီၣ်​အဲ​ဗွဲၤ နဳၤ. မဲၤ​က​နဳၤ​ဒဳၣ်, စ​ဒီၣ်​ကဲၤ​လၢ်​ဝၤ​တ​စီာ်, “​က့ၤ​ကၱာ်​ဒီ​ဆး ပီၢ် စီၤ​ယိၤ​ဟၣ်​တဲၤ​ထဲၢ်​သံ​သၱာ်​ဟဲ​ဘဲာ်​ကၱာ် စာ်​ထၱး​ဘဲာ် ကဲၤ​တ​စီာ်​နဳၤ. အ​ကၢ် ဓူ​ခံး​စာ်​ထၱး​ဘဲာ်​က့ၤ, အ​ခၣ်​ဒ့ာ်​တ​စီာ်​ခဲ​ဇၤ​က့ၤ, အ​နံၤ​ကူၤ​တ​အဳ​တ​စီာ် အ​အဲ​ဖျီ​ထာ်​က့ၤ, အ​က​လး​ကၠံး​တ​စီာ်​ပျၱ​စါ​က့ၤ, အ​သံ​တ​စီာ်​ထာ်​ပဳၤ​က့ၤ, အ​ဆဲး​ညဲ​ဖဳး​တ​စီာ်​နံၤ​ဘဲာ်​ဒီၣ်​အူ​ဒီ​ဆး​တဲၤ​သး​လဳၢ် သး​လၤ​အံာ်​အ​ဝၱၤ​အ​ကဲ.