ខគម្ពីរពេញនិយមពី လူၤကၣ် 9

ចែក​រំលែក

ကၱာ်​ဒီ​စ​ဒီ​ဆး​လၢ်​ဝၤ​တ​စီာ်, “​ပၠၤ​တ​ပွဲၤ​ပွဲၤ က​သး​အဲး​လိၤ ကိာ်​မၤ​ယ​လ့ၤ​ဒဳၣ်, စ​က​ယၤ​ဘံာ်​ဒီ​ဧဲၤ​စ​န့ၤ, ဖၱး​ထာ်​စ​သဳာ်​ပျီၤ​ထူၣ်​စူ​ညါ​ကိ​အ​နံၤ​ကၱာ် လိၤ​ကိာ်​ဒီ​ဧဲၤ​ယ​လ့ၤ.

မၤ​နဲၢ်​ဒဳၣ်​ပၠၤ​အ​သး​အဲး​မဲၤ​လှိ​ထာ် အ​သး တ​ပွဲၤ​က​ဆူး​ဘဲာ်​ကီ​အ​အဲ. ပ​ရၤ​ဆါ​ပၠၤ​အ​ဆူး​အ​ပး​အ​သး​ယ​နံၤ​ခံ​တ​ပွဲၤ​နဳၤ က​မဲၤ​လှိ​ထာ်​ကီ​အ​အဲ.

ယ့ၣ်​ရှူး​ဒီၣ်​က့ၤ​စဲာ်, “​က​ယါ​ပၠၤ​အ​ပိာ် ကျဳၤ​ဝှါ ထဲၢ်​ဘီ​ဒဳၣ် စာ်​ဘး​က့ၤ​အ​လ့ၤ​ကါ​တ​ပွဲၤ​နဳၤ တ​တး​နံၤ​က​ဘၱာ်​စဲာ်​အ​ထံ​အ​က့ၤ​နီး” စ​ဒီ ဆး​က့ၤ​ကဲၤ လၢ်​ဝၤ​ဓဳၤ.

မၤ​နဲၢ်​က​ဒီၣ်​ဓဳၤ​ဒဳၣ်, ပၠၤ​တ​ပွဲၤ​က​နံၤ ဘဲာ်​ဝှါ​လၢ်​ခဳး​သ​ဒဲ​ဘဲာ်​ပ​ရၤ​ဆါ စ​က​ဆူး​က​ပး မၤ​စ​န့ၤ​ဘၱ​စဲာ် မၱ​တ​မၱာ် နီး ဘဲာ်​နဳၤ​ဘဲာ်​ပဲၤ​နဳၤ​ဒဳၣ်​အ​ချဳ ထာ်​မၤ​မ့ၤ​မၱာ်​တၤ​နဲၢ်.

က​ယါ ပၠၤ​အ​သါ​ဝၢ်​အံာ် ယဲၤ​ကၱာ်​ယ​တဲၤ​ယၱၢ်​ဘဲာ်​တ​ပွဲၤ​ပွဲၤ​နဳၤ, ပၠၤ​အ​ဖဳး​က​သါ​ဝၢ်​အံာ် ကီ​စဲာ်​ဘ့​စ​လ့ၤ​နံၢ်​စ​တီၤ​စ​သ့း အ​ပူၤ, ကၱာ်​စ​ပာ်​အ​တီၤ​အ​သ့း​အ​ပူၤ ကၱာ် မီၢ်​ခဳး​ပွဲၤ​ဇဳၤ​အ​စါ​ထံ​အ​တီၤ​အ​သ့း​အ​ပူၤ​အ​ခဲ​နဳၤ.

ယ့ၣ်​ရှူး​ဒီၣ်​ၡံ​က့ၤ​ကဲၤ​စဲာ်, “​ထွံၣ်​မံၤ​တ​စီာ်​အီၣ်​ကၱာ်​အ​ပူၤ​အ​ကၱၢ် ကၱာ်​ထဳၣ်​ဖဳး​တ​စီာ်​အီၣ်​အံာ်​အ​ပံၤ, ပ​ရၤ ဆါ​ပၠၤ​အ​ဖဳး​နဳၤ​စ​က​ပီၢ်​လၤ အံာ်​စ​ကဳာ်​နှီ​နူၤ​အ​လ့ၤ​တ​အီၣ် နီး” စ​ဒီၣ်​လၢ်​ဝၤ​ဓဳၤ.

ကၱာ်​ဒီၣ် ကဲၤ​လၢ်​ဝၤ​တ​စီာ်, “​က​ယါ​ပၠၤ​အ​လဲၤ​ခး​အ​ပံၤ စ​ဖဳး​တ​ပွဲၤ​ဒဳ​ယ​မံၤ​အ​ပူၤ​နဳၤ, မဲၤ​စာ်​ဘိ​စ​လဲၤ​ခး​ယဲၤ​လီၤ. ကၱာ်​က​ယါ​ပၠၤ​အ​လဲၤ​ခး​ယဲၤ​တ​ပွဲၤ​နဳၤ, မဲၤ​စာ်​ဘိ စ​လဲၤ​ခး စဲာ်​ထဲၢ်​အ​သ​ဓဳ​လ့ၤ​ယဲၤ​တ​ပွဲၤ​နဳၤ. မၤ​နဲၢ်​ဒဳၣ်, သံ​ကျဲ​နဳၤ​အ​ၡံး​ဖဳး​က​ဓူၤ​တ​ပွဲၤ​မၱာ်​အ​ဓဳၤ​က​ဓူၤ​လီၤ” စ​ဒီၣ်​ကဲၤ​လၢ်​ဝၤ​ဓဳၤ.