’n Sterk Man is WysVoorbeeld

ONTSNAP UIT DIE STRIK

“’n Slegte mens se woorde is ’n strik vir homself. Iemand wat reg lewe, ontduik moeilikheid.”

(Spreuke 12:13 NLV)

Dit is moontlik om Spreuke te lees en te dink regverdige mans sal nooit swaarkry nie. In Spreuke 12:13 sien ons egter dat dit nie die geval is nie. Slegte mans én regverdige mans sal moeilike tye ervaar. Die verskil is hoe hulle dit ervaar. Die slegte man bring dit oor homself en raak vasgevang daarin. Die regverdige man kom ook moeilike dinge teë, maar hy kan uit die strik ontsnap.

Die verskil tussen die twee mans is ook tweevoudig. Eerstens is daar ’n kontras in die integriteit van hulle woorde. Tweedens is daar ’n kontras in die twee soorte mans: sleg teenoor regverdig. Dus leer ons dat die woorde wat ’n man sê baie openbaar oor wie hy is – en andersom.

Oorweeg dit dus vandag om sekere woorde te verwyder uit jou woordeskat. Verwyder ’n leë en nuttelose woord wat nie jou integriteit opbou nie. Een wat jou vasvang in ’n strik, en dalk ander mense ook. Verwyder dit heeltemal uit jou gesprekke en laat dit ’n offer aan God wees. Praat versigtig, leef met integriteit en ontsnap die strik van die slegte man.

BID VANDAG

Here, verander my en die woorde wat ek as ’n regverdige man gebruik. Amen.