'n Bybelse Perspektief Op Dood en LeweVoorbeeld

Die Here Jesus is sterker as die dood

“en nou is dit geopenbaar deur die verskyning van ons Verlosser, Christus Jesus, wat die dood vernietig het, en die lewe en die onverganklikheid deur die evangelie aan die lig gebring het" (2 Timoteus 1:10 AFR20).

Jesus het gesterf en is begrawe, maar drie dae later het Hy weer ​​uit die dood opgestaan! Hy het die mag van die dood gebreek. Daarom openbaar Hy Homself soos volg aan Johannes: "Ek is die Eerste en die Laaste en die Lewende. Ek was dood, maar kyk, Ek leef vir ewig en ewig; ook hou Ek die sleutels van die dood, en van Hades” (Openbaring 1:17-18 AFR20).

Jesus se opstanding bewys dat Hy sy sending voltooi het. Hy het sy opdrag vervul, en God die Vader het sy goedkeuring aan Jesus se werk gegee. Daarom het die Vader Hom opgewek en as beloning vir sy verlossingswerk aan Hom 'n heerlike plek in die hemel gegee.

Jesus se opstanding wys ook dat Hy sterker as die dood is. Terwyl Hy aan die kruis gehang het, het omstanders spottend gevra of Hy nie kragtig genoeg was om Homself te verlos nie, aangesien Hy soveel ander gehelp het. Jesus kon inderdaad van die kruis afgekom het. Tog het Hy nie. Deur te sterf en weer uit die graf op te staan, het Hy sy krag en heerlikheid duidelik gewys, asook sy gewilligheid om die mensdom tot die einde toe lief te hê. Jesus het geweet hoe swaar sy lyding sou wees, maar Hy het regdeur die dood gegaan om lewe en onsterflikheid aan die lig te bring.

As Jesus selfs sterker as die dood is, sou jy nie veilig by Hom wees nie?"