Die Laaste PylVoorbeeld

WEET WAT JY WIL HÊ

Daar is 'n verhaal in Jesus se lewe wat nog altyd vir my 'n bietjie vreemd was. Jesus het Jerigo verlaat en 'n groot skare begin Hom volg. Te midde van die woeligheid, sit twee blinde manne langs die pad. Hulle roep uit: "Here, Seun van Dawid, ontferm U tog oor ons!" Die mense raas met hulle en sê hulle moet stilbly. Hulle roep egter al harder: "Here, Seun van Dawid, ontferm U tog oor ons!" Jesus het gaan staan en gevra: "Wat wil julle hê moet Ek vir julle doen?" waarop hulle antwoord: "Here, dat ons oë oopgaan" (Matteus 20:30-33).

Wanneer ons so 'n verhaal lees, is ons aandag hoofsaaklik by die uitkoms — dit is tog iets wonderliks dat Jesus teen die einde van die verhaal die blindes se sig herstel. Dus word Jesus se vraag dikwels misgekyk.

Toe Jesus hulle gevra het: "Wat wil julle hê moet Ek vir julle doen?" was dit nie omdat Hy nie geweet het nie, maar Hy wou hê dat hulle moes verklaar wat hulle wou hê God namens hulle moes doen.

Ons lees in Psalm 37:4: "Vind jou vreugde in die Here, en Hy sal jou gee wat jou hart begeer." Dit beteken ons moet ons eie harte ken en ons moet ons eie begeertes ken. Dan moet ons daardie hartsbegeertes toelaat om kennis te neem en gevorm te word deur ons liefde en aanbidding van God.

As jy nie weet wat jy wil hê nie, dan is dit 'n verkwisting van God om aan jou te gee wat Hy wil. Jy moet dieselfde wil hê wat God wil hê om te ontvang wat Hy vir jou wil gee. Daar is tye in die lewe wanneer dit nie binne die omvang van God se bedoeling vir ons lewens is om sekere dinge wat ons vra vir ons te gee nie. Sou jy egter nie eerder wou fouteer deur te veel te vra as te min nie?

Wat wil jy van God hê? Is dit 'n tipiese vraag wat jy jouself afvra? Is daar iets wat jy wil hê, maar te bang is om te vra?