Kry die toepLentesade: 'n Vrou se 40-dag ReisVoorbeeld
Plant en Versorg Jou Tuin
DIE SAAD VAN WAARHEID
Lees Efesiërs 6:1-4.
God is 'n God van orde en die begrippe van eer en onderdanigheid kom dwarsdeur die Bybel voor. Lees hierdie verse en let op na die vers waardeur God spesifiek met jou praat. Moet dit nie eenkant toe skuif nie, maar neem dit ter harte. Vra die Here om jou te help om dit vandag te bepeins. Dink daaroor na. Vra die Here om alles na vore te bring wat jy voor Hom moet neerlê.
PLANT DIE SAAD
Sê vandag se kernvers saggies op vir jouself. Bewaar dit in jou hart en bepeins dit deur die dag. Efesiërs 6:2-3: "'Eer jou vader en jou moeder is 'n baie belangrike gebod.' En daar is nog 'n belofte by: 'sodat dit met jou goed mag gaan en jy lank mag lewe op die aarde.'"
GEE DIE SAAD WATER
Eer jy jou ouers? Leer jy jou kinders die regte pad sodat hulle nie gefrustreerd raak nie? Is daar sondes uit die verlede wat jy moet bely? Miskien is jy deur 'n ouer seergemaak. Laat die Here toe om jou sagkens te versorg. Laat Hom in daardie private ruimte toe. Glo dat Hy in staat is om enigiets en alles heel te maak. Moet jy Hom dalk vra om jou te help vergewe? Ongeag watter soort ouers jy het of gehad het, dink daaroor na hoe jy jou ouers hierdie week kan eer. As jou ouers nie meer lewe nie, dink hoe jy hulle met jou woorde en dade kan vereer. Dink na oor hulle nalatenskap en vra die Here of jy met enige van die eerbare of uitstekende dinge moet voortgaan wat hulle jou geleer het. Sê vir Hom dankie omdat Hy jou hemelse Vader is, dank Hom vir jou kinderdae en vertrou dat Hy alles ten goede laat meewerk vir hulle wat Hom liefhet. Lees Romeine 8:18-30.
DRA VRUG
Eer jou ouers. Eer jou hemelse Vader.
SLUIT AF MET GEBED
Vra die Here om alles te laat groei wat vandag in jou hart geplant is.
Aangaande hierdie leesplan
Die Bybel maak dikwels van seisoene gebruik om te illustreer hoe God in ons werk. In hierdie 40-dag leesplan vir vroue, van Thistlebend Ministries, word 'n tuin gebruik om groei in Christus uit te beeld. Jy sal elke dag "Saad van Waarheid" (Skrifgedeelte) ontvang asook riglyne oor hoe om die "Saad te Plant" (ter harte te neem) en "Gee Die Saad Water" (toepassing daarvan). Raak opgewonde! Die Here wil 'n pragtige tuin van sy karakter in jou hart kom plant –wat oorloop van sy volheid. Dit is ideaal vir besige moeders, enkelvroue en studente.
More
