Lentesade: 'n Vrou se 40-dag ReisVoorbeeld

Plant en Versorg Jou Tuin

DIE SAAD VAN WAARHEID

Lees Efesiërs 6:13-17. Die Here sal heel waarskynlik omstandighede in jou lewe toelaat wat jou sal beproef. Sal jy geloof hê of sal jy bang wees? Is daar enigiets in jou lewe wat jou geloof op die proef stel? Waarvoor is jy bang? Op watter gebied word jy uitgedaag om jou geloof in die Here te plaas? Vertel hierdie dinge vir die Here en trek dan die volle wapenrusting van God aan. Gebruik elke stukkie wapenrusting om hierdie stryd te stry. Kyk weer na gister se oordenking, indien nodig.

PLANT DIE SAAD

Sê vandag se kernvers saggies op vir jouself. Bewaar dit in jou hart en bepeins dit deur die dag. Efesiërs 6:14: "Bly dan op julle pos, toegerus met die waarheid as die gordel om julle heupe, die vryspraak deur God as borsharnas."

GEE DIE SAAD WATER

Hierdie gedeelte in Efesiërs vertel ons om ons heupe met die waarheid te omgord. God het sy Woord aan ons as skild gegee. Die waarheid word aan ons gegee om ons teen leuens te beskerm. Ons word met onwaarhede in ons kultuur — op die nuus, in rolprente, en op TV — bestook. Soos jy vandag deur jou dag gaan, let aandagtig op na die gedagtes wat deur jou kop gaan. Wees bewus van die dinge wat jy oor die radio hoor of in die koerant lees. Jy het bonatuurlike wapenrusting ontvang, trek dit dus aan! Omgord jou heupe met die waarheid uit die Woord van God voor jy met jou stiltetyd klaarmaak. Trek jou wapenrusting aan en wees gereed.

DRA VRUG

Staan vas.

SLUIT AF MET GEBED

Vra die Here om alles te laat groei wat vandag in jou hart geplant is, te laat groei.