Lentesade: 'n Vrou se 40-dag ReisVoorbeeld

Plant en Versorg Jou Tuin

DIE SAAD VAN WAARHEID

Lees Efesiërs 5:22-33. Hou die voorafgaande vers in gedagte: "Vrouens, wees aan julle mans onderdanig, net soos julle aan die Here onderdanig is.” Terwyl jy die gedeelte lees, vra die Here om jou te wys waar en hoe jy jou optrede of denke teenoor jou man moet verander. As jy nie getroud is nie, bid hierdie Skrifgedeelte vir 'n getroude vrou wat jy ken. Bid ook dat as die Here jou sou roep om te trou, Hy jou hart in hierdie area sal voorberei.

PLANT DIE SAAD

Sê vandag se kernvers saggies op vir jouself. Bewaar dit in jou hart en bepeins dit deur die dag. Efesiërs 5:24: "Soos die kerk aan Christus onderdanig is, moet die vrouens in alles aan hulle mans onderdanig wees."

GEE DIE SAAD WATER

Die begrip van onderdanigheid is vreemd in ons kultuur. Onderdanigheid word as 'n swakheid of as slawerny gesien. Dit maak nie vandag meer sin nie. Dit mag miskien in 'n ander wêreld of tyd nodig gewees het. Dit is egter glad nie waar nie. Onderdanigheid is 'n tema dwarsdeur die hele Skrif — onderdanigheid aan God, sy Woord, aan predikers en leiers, jou man, werkgewers, en selfs aan mekaar soos ons gister gelees het. Dink na wat dit beteken om jouself die hele dag aan God te onderwerp. Terwyl jy dit doen, vra jouself af of jy ooit met die Here sal praat of Hom sal behandel soos jy ander behandel — jou man, 'n broer of suster of 'n ouer.

DRA VRUG

Onderwerp jou aan Christus en aan jou man.

SLUIT AF MET GEBED

Vra die Here om alles te laat groei wat vandag in jou hart geplant is.