Kry die toepLentesade: 'n Vrou se 40-dag ReisVoorbeeld
Plant en Versorg Jou Tuin
DIE SAAD VAN WAARHEID
Lees Efesiërs 5:15-21.
Wat wil God hê moet ons met ons tyd doen? Wat dink jy bedoel Paulus as hy sê dat die dae boos is?
PLANT DIE SAAD
Sê vandag se kernvers saggies op vir jouself. Bewaar dit in jou hart en bepeins dit deur die dag. Efesiërs 5:15-16: "Wees baie versigtig hoe julle lewe; nie soos onverstandige mense nie, maar soos verstandiges. Maak die beste gebruik van elke geleentheid, want ons lewe in ‘n goddelose tyd."
GEE DIE SAAD WATER
Ons sien nie altyd die duisternis waarin ons leef nie. Die wêreld om ons word elke oomblik donkerder. Die wonderlike ding van 'n baie donker nag is dat die sterre so helder skyn! Die blote teenwoordigheid van 'n kind van die lig te midde van duisternis, kan ongelowiges tot oortuiging bring. Dit is die rol en werk van die Heilige Gees. Moenie bang wees om die lig te wees nie. Jy voel dalk nie soos die lig nie. Die vyand sal probeer om jou te oortuig dat jy hoegenaamd geen effek het nie. Onthou jy miskien nog daardie liedjie wat jy in die kleuterskool gesing het? "Laat ons skyn vir Jesus met 'n helder glans." Jy skyn. Die duisternis kan nie die lig verdryf nie, ongeag wat die duiwel jou vertel. Tyd is so 'n groot hulpbron en ons mors dit dikwels en maak nie die beste gebruik daarvan nie. Om 'n godvresende rentmeester van tyd te wees, is so belangrik, want as dit eers verby is, is dit vir altyd verby. Sal jy regtig 'n punt daarvan maak om op te let hoe jy jou tyd gebruik, nie net vandag nie, maar dwarsdeur die week? Wat maak jy met die rykdom van tyd wat die Here vir jou gegee het? Gebruik jy dit om die evangelie uit te brei of om die liggaam van Christus aan hulle in jou wêreld en verder te wees? Neem 'n oomblik om die nodige veranderinge in jou program aan te bring. Terwyl jy vandag se Skrifgedeelte oordink, neem deeglik waar hoe jy jou tyd gebruik.
DRA VRUG
Maak die beste gebruik van jou tyd.
SLUIT AF MET GEBED
Vra die Here om dit te laat groei wat vandag in jou hart geplant is.
Skrif
Aangaande hierdie leesplan
Die Bybel maak dikwels van seisoene gebruik om te illustreer hoe God in ons werk. In hierdie 40-dag leesplan vir vroue, van Thistlebend Ministries, word 'n tuin gebruik om groei in Christus uit te beeld. Jy sal elke dag "Saad van Waarheid" (Skrifgedeelte) ontvang asook riglyne oor hoe om die "Saad te Plant" (ter harte te neem) en "Gee Die Saad Water" (toepassing daarvan). Raak opgewonde! Die Here wil 'n pragtige tuin van sy karakter in jou hart kom plant –wat oorloop van sy volheid. Dit is ideaal vir besige moeders, enkelvroue en studente.
More
