Kry die toepLentesade: 'n Vrou se 40-dag ReisVoorbeeld
Plant en Versorg Jou Tuin
DIE SAAD VAN WAARHEID
Lees Efesiërs 5:11-14.
Wat is die waarskuwings in hierdie gedeelte?
PLANT DIE SAAD
Sê vandag se kernvers saggies op vir jouself. Bewaar dit in jou hart en bepeins dit deur die dag. Efesiërs 5:14: "... Word wakker, jy wat slaap, en staan op uit die dood; en Christus sal jou lewe verlig.”
GEE DIE SAAD WATER
Noudat die Here die gedeeltes geopenbaar het wat in jou lewe en hart moet verander, hoe kan jy die slaper in jou wakker maak? Watter dinge kan jou help om wakker te word? Een voorbeeld is om seker te maak dat jy jou met die woord besig hou deur dit daagliks en dwarsdeur die dag bepeins. Daar is tye wanneer ons lees of TV kyk dat ons weet ons slaperig voel en amper verwag om aan die slaap te raak. Daar is ander tye wanneer ons heeltemal onbewus daarvan is en net insluimer. Die misleiding van geestelike slaap is dieselfde. Ons kan deur die vyand wat baie subtiel is, aan die slaap gesus word. Dit voel of ons die een oomblik helder wakker is en die volgende oomblik is ons aan die slaap. Jakobus se brief kan dié onder ons wat wil weet dat hulle nie mislei word nie, baie help. Jakobus 1:22 sê: "Julle moet doen wat die woord sê en dit nie net aanhoor nie, anders bedrieg julle julleself." (As jy nou of later vandag tyd het, lees Jakobus 1:19-27.) Vra die Here se hulp om hierdie woorde werklik te hoor. In Romeine 10:17, verduidelik Paulus:"Die geloof kom dus deur die prediking wat 'n mens hoor, en die prediking wat ons hoor, is die verkondiging van Christus." Een van die belangrikste plekke om die duisternis te verdryf, is in ons eie harte. Ons kan daardie duisternis in die lig bring deur die lig van die Woord van God dwarsdeur die dag daarop te laat skyn — deur sy woord te bepeins (Psalm 119:11). Selfs al het jy dit tot nou toe moeilik gevind om Skrifgedeeltes te memoriseer of te bepeins, begin vandag weer; dis nooit te laat om weer op die pad van geregtigheid te probeer loop nie.
DRA VRUG
Word wakker en staan op uit die dood.
SLUIT AF MET GEBED
Vra die Here om dit te laat groei wat vandag in jou hart geplant is.
Aangaande hierdie leesplan
Die Bybel maak dikwels van seisoene gebruik om te illustreer hoe God in ons werk. In hierdie 40-dag leesplan vir vroue, van Thistlebend Ministries, word 'n tuin gebruik om groei in Christus uit te beeld. Jy sal elke dag "Saad van Waarheid" (Skrifgedeelte) ontvang asook riglyne oor hoe om die "Saad te Plant" (ter harte te neem) en "Gee Die Saad Water" (toepassing daarvan). Raak opgewonde! Die Here wil 'n pragtige tuin van sy karakter in jou hart kom plant –wat oorloop van sy volheid. Dit is ideaal vir besige moeders, enkelvroue en studente.
More
