Lentesade: 'n Vrou se 40-dag ReisVoorbeeld

Seeds of Spring

DAG 27 VAN 40

Plant en Versorg Jou Tuin

DIE SAAD VAN WAARHEID

Lees Efesiërs 5:6-10.

Watter opdrag gee Paulus vir jou? Jy was eens op 'n tyd in duisternis, dood in sonde, 'n kind van toorn, 'n vyand van God, ongehoorsaam, onheilig — die lys gaan aan. Nou is jy egter lig; jy is in Christus en Hy in jou. Paulus sê ons moet lewe asof Jesus self in ons lewe.

PLANT DIE SAAD

Sê vandag se kernvers saggies op vir jouself. Bewaar dit in jou hart en bepeins dit deur die dag. Efesiërs 5:8,10: "... Leef dan as mense van die lig ... Vra julle voortdurend af of iets vir die Here aanneemlik is."

GEE DIE SAAD WATER

Die Heilige Gees is in en met jou. Dit is moeilik om te glo en te onthou, maar Galasiërs 2:20 is baie waar, jy is saam met Christus gekruisig en Christus, die lig, woon nou in jou. Ons moet IN die lig wandel, soos kinders van die lig wat elke dag meer groei en soos Hy word. Dink daaroor wat dit beteken om die lig te wees. Vra die Here vandag om jou te help om waarheid en lig in jou huis of kantoor te wees. Verbeel jou hoe dit sal lyk. Hoe kan jy helderder skyn? Hoe kan jy minder wees? Ons kan dit nie op ons eie doen nie. Paulus sê ons moet uitvind wat die Here behaag. Paulus probeer om ons te help. As ons aandagtig en noulettend luister, sal ons dit wat vir ons geleer word, ter harte neem en daarna streef om dit deur God se genade in ons daaglikse lewens lewendig te maak. As ons dit doen, sal ons soos kinders van die lig wandel.

DRA VRUG

Wandel soos kinders van die lig.

SLUIT AF MET GEBED

Vra die Here om dit te laat groei wat vandag in jou hart geplant is.

Aangaande hierdie leesplan

Seeds of Spring

Die Bybel maak dikwels van seisoene gebruik om te illustreer hoe God in ons werk. In hierdie 40-dag leesplan vir vroue, van Thistlebend Ministries, word 'n tuin gebruik om groei in Christus uit te beeld. Jy sal elke dag "Saad van Waarheid" (Skrifgedeelte) ontvang asook riglyne oor hoe om die "Saad te Plant" (ter harte te neem) en "Gee Die Saad Water" (toepassing daarvan). Raak opgewonde! Die Here wil 'n pragtige tuin van sy karakter in jou hart kom plant –wat oorloop van sy volheid. Dit is ideaal vir besige moeders, enkelvroue en studente.

More

Ons wil graag Thistlebend Ministries en skrywer Laurie Aker vir die verskaffing van hierdie plan bedank. Vir meer inligting, besoek gerus: www.thistlebendcottage.org/