Lentesade: 'n Vrou se 40-dag ReisVoorbeeld

Plant en Versorg Jou Tuin

DIE SAAD VAN WAARHEID

Lees Efesiërs 5:3-5. Begeerte en afgodery? Wat sê die gedeelte oor hierdie sondes? Wat is die waarskuwing? Begeerte is om te wil hê wat 'n ander het. Afgodery is om iets in God se plek te sit. Is daar iets wat jy moet doen?

PLANT DIE SAAD

Sê vandag se kernvers saggies op vir jouself. Bewaar dit in jou hart en bepeins dit deur die dag. Efesiërs 5:5: "Dít moet julle goed besef: iemand wat ontug pleeg, onsedelik lewe of ‘n gierigaard is — want gierigheid is afgodery — het nie deel aan die koninkryk van Christus en van God nie."

GEE DIE SAAD WATER

God het ons beveel om Hom met ons hele hart, ons hele siel, ons hele verstand en al ons krag lief te hê (Markus 12:30). Hoe weet ons as ons iets in die plek gesit het wat net vir God gereserveer is? Ons ken dit uit aan dit waarheen ons gedagtes afdwaal, by watter dinge ons vertoef, waar ons ons geld uitgee, waaraan ons ons tyd bestee, die dinge waaroor ons praat, waarvoor ons die meeste moeite doen, of dit wat vir ons die grootste ongemak veroorsaak. Byvoorbeeld, waaroor is jy bekommerd? Waaroor bid jy of praat jy die meeste? Jy kan baie prakties en pro-aktief wees. Ondersoek jouself vandag in die lig van hierdie Skrifgedeelte. Waarop of op wie fokus jy? Wat begeer jy? Vir wie dien jy? Bely die hebsug of afgodery wat jy waarneem en bekeer jou. Wat onthul hierdie dinge oor wie en wat jy liefhet? Wat ook al God se plek inneem, raak ontslae daarvan en moenie dit weer doen nie. Keer terug na die Here, jou Skepper (Openbaring 2:4-5).

DRA VRUG

Sit niks in God se plek nie.

SLUIT AF MET GEBED

Vra die Here om dit te laat groei wat vandag in jou hart geplant is.