Lentesade: 'n Vrou se 40-dag ReisVoorbeeld

Plant en Versorg Jou Tuin

DIE SAAD VAN WAARHEID

Lees Efesiërs 5:1-2.

Hierdie is een van my gunsteling Bybelgedeeltes. Ek hou baie van die eenvoud daarvan. Kniel nederig voor die Here en vra Hom om hierdie waarheid na jou te bring wat jy in jou hart, jou gedagtes en in jou lewe kan dra. Laat Hom toe om jou die vermoë te gee om in liefde as sy geliefde kind te wandel, wat dit ook al kos. Neem nou die tyd om te bid en gebruik hierdie gedeelte as 'n riglyn: "en nou is dit nie meer ek wat lewe nie, maar Christus wat in my lewe. Die lewe wat ek nou nog hier lewe, leef ek in die geloof in die Seun van God wat sy liefde vir my bewys het deur sy lewe vir my af te lê" (Galasiërs 2:20).

PLANT DIE SAAD

Sê vandag se kernvers saggies op vir jouself. Bewaar dit in jou hart en bepeins dit deur die dag. Efesiërs 5:2: "Lewe in liefde, soos Christus ons ook liefgehad het en om ons ontwil sy lewe as ‘n offergawe gegee het, ja, ‘n offer wat vir God aanneemlik was.”

GEE DIE SAAD WATER

Ons word gevra om ons liefde te bewys, net soos Christus sy liefde bewys het, en onsself as lewende en heilige offers, volgens Romeine 12:1 te gee. Het jy dit al gedoen? Sal jy dit vandag doen? Indien nie vandag nie, sal jy dit deel van jou gebedslewe maak totdat jy dit doen? Moet dit nie te lank uitstel nie. Onthou, God het jou alles in Christus gegee wat jy nodig het om te doen wat Hy jou beveel. Dit is nie net 'n opdrag nie, maar dit is die voorbeeld wat Jesus en Paulus aan ons voorhou. As ons 'n les oor die liefde wil hê, moet ons na die kruis van Christus kyk (1 Johannes 4:10-11). Die opdrag is nie vir die geestelike "vooraanstaandes" nie, want daar is geen geestelike vooraanstaandes nie. Ons is slegs gehoorsaam of nie. (1 Korintiërs 13 is 'n nuttige instrument om jou hart mee te ondersoek).

DRA VRUG

Jy moet liefhê soos wat Christus ons liefgehad het.

SLUIT AF MET GEBED

Vra die Here om dit te laat groei wat vandag in jou hart geplant is.