Kry die toepLentesade: 'n Vrou se 40-dag ReisVoorbeeld
Plant en Versorg Jou Tuin
SAAD VAN DIE WAARHEID
Lees Efesiërs 3:14-21.
As jy na hierdie gedeelte kyk, wat is dit wat Paulus vir ons bid? Wanneer jy sien wat hy vir die kerk bid, wil ek hê jy moet daaraan dink dat Christus hierdie selfde dinge vir jou bid. Kyk wat sy begeerte vir jou is en dink vandag daaroor. Ons God is passievol oor sy heerlikheid. Ons sien dit in verse 20-21.
PLANT DIE SAAD
Sê vandag se kernvers saggies op vir jouself. Bewaar dit in jou hart en bepeins dit deur die dag. Efesiërs 3:16: "Ek bid dat Hy deur sy Gees uit die rykdom van sy heerlikheid aan julle die krag sal gee om innerlik sterk te word."
GEE DIE SAAD WATER
As mense wat tot geloof in Jesus Christus gekom het, as mense wat weet dat Hy sy lewe vir ons sondes afgelê het en dat ons Hom ons sondige lewe in ruil daarvoor gegee het — moet ons onsself daaraan herinner dat ons daagliks in 'n stryd gewikkel is tussen ons menslike begeertes, of ons vlees, en die Heilige Gees van God wat nou in ons as gelowiges in Christus woon. Ons vergeet dit dikwels en voel oorweldig deur ons begeertes en drange. Dink na oor die afgelope week. Dink aan 'n oomblik wat jou vlees jou in sy greep gehad het. Dink nou daaraan in die lig van die waarheid dat jy die krag van die Gees van God binne-in jou het. Vra die Here om jou dit te help onthou en, deur geloof, in die waarheid van sy krag te wandel. Jesus Christus woon in jou. Glo dit deur geloof. God sal sorg dat sy krag jou swakheid oorkom. Alle lof aan God. Terwyl jy in geloof verder wandel, sal sy krag vertoon word en jy sal 'n oes van sy geregtigheid voortbring. "Om te glo, is om seker te wees van die dinge wat ons hoop, om oortuig te wees van die dinge wat ons nie sien nie" (Hebreërs 11:1). "O Here, mag ek versterk word deur die krag van u Gees in my binneste, sodat Christus deur die geloof, ten volle in my hart sal woon! Help my om in geloof te groei."DRA VRUG
Versterk met krag deur sy Gees in my.
SLUIT AF MET GEBED
Vra die Here om dit te laat groei wat vandag in jou hart geplant is.
Skrif
Aangaande hierdie leesplan
Die Bybel maak dikwels van seisoene gebruik om te illustreer hoe God in ons werk. In hierdie 40-dag leesplan vir vroue, van Thistlebend Ministries, word 'n tuin gebruik om groei in Christus uit te beeld. Jy sal elke dag "Saad van Waarheid" (Skrifgedeelte) ontvang asook riglyne oor hoe om die "Saad te Plant" (ter harte te neem) en "Gee Die Saad Water" (toepassing daarvan). Raak opgewonde! Die Here wil 'n pragtige tuin van sy karakter in jou hart kom plant –wat oorloop van sy volheid. Dit is ideaal vir besige moeders, enkelvroue en studente.
More
