Om na God te Luister

Dag 1 van 7 • Vandag se leesstuk

Bybeldagboek
"Om God se Stem te Hoor"

Net soos Job, wil ek God se Woorde in my hart bewaar en smag na Sy leiding, net soos ek daagliks na kos smag! Wil jy ook? Net soos die skrifgedeelte in Jesaja ons leer, wil ek die stem van God hoor wat vir my rigting aandui.

Hoe hoor ek Sy stem? Praat Hy regtig met mense? Hou moed; God kan goed kommunikeer! Hy het die gawe van kommunikasie geskep. Dit beteken dat Hy wel met ons praat, en ons het die vermoë om Hom te hoor—en op Sy stem te reageer. Siende dat God nog steeds met ons praat, moet ons alles in ons vermoë doen om Sy stem te hoor en daarna te luister! Die kuns om te luister is baie nodig, dog is daar 'n tekort aan ware kommunikasie.

Kom ons kyk eers na sommige maniere waarop God met ons praat.

God praat met ons deur Sy Woord. God het alreeds baie van Sy Wil en Plan vir ons deur Sy Woord geopenbaar. Wanneer ons tyd inruim om Sy Woord te lees sal ons direk van Hom hoor.

God praat deur fluisteringe. Hy praat gereeld sagkens met ons gees, gee vir ons drome en visioene en/of lei ons deur omstandighede. Hy rig ook ons gedagtes om by Sy plan vir ons in te skakel.

God praat deur Sy Mense. Soms sal God ander Christene gebruik om Sy hart aan ons te openbaar. Dit kan in die vorm van bemoediging, vermaning of leiding wees.

Kom ons begin. In die volgende week sal ons op verskillende dinge fokus wat ons mag verhinder om God se stem te hoor. Ons gaan leer om sensitief te wees vir Sy stem, sodat ons regtig na Hom kan luister.

Vra die volgende vir die Vader: Wat moet ek doen om 'n beter luisteraar te word?

Vandag se aanbiddingslied voorstel: "Yield My Heart" deur Kim Walker-Smith