Kry die toepOns Berei Ons Harte Voor Vir Paasfees: 'n Oordenking Tydens die VastydVoorbeeld
Dag 8: Die Priester
Wens jy dat die verkeerde dinge in die lewe reggestel kan word? In 1 Samuel 2:28 leer ons wat die rol van die priesters was: 1) “om my altaar te bedien” — hulle moes by God intree en namens die mense pleit, 2) “om wierook aan die brand te steek” — dit was 'n godsdienstige ritueel om God te eer (Levitikus 16:13) en 3) “om 'n skouerkleed voor My te dra” — dit het gewys dat die priester die een was wat die mense kon raad gee uit die wysheid van God. Ons lees dat Eli se seuns, wat destyds die priesters was — hulle wat vir die mense moes sorg — hulleself “vetgemaak” het met die beste uit al die offers van die volk. Dit was 'n groot onreg. Hulle, wat vir mense moes sorg, het hulle laat skade ly. Hoe sou God dit regstel?
As ons na ons lewens kyk en dié van die mense om ons, vra ons dikwels dieselfde vraag. Hoe sal God die verkeerde dinge in die wêreld regstel? Dit word 'n traumatiese vraag as ons besef dat ons ook daaraan skuldig is om ander te na te kom. Die mense vir wie ons lief behoort te wees en te dien, is dikwels juis die slagoffers van ons selfsugtige fokus op ons eie belange en prioriteite.
Ons word vertel dat God hierdie onregverdigheid sien en dat Hy 'n einde daaraan moet bring (verse 30-31) en 'n regverdige oordeel fel oor die skuldige partye (vers 34). Die verkeerde dinge moet gestop word, maar ons het iemand nodig om in ons plek na God te gaan en namens ons te pleit, want ons is self skuldig aan hierdie wandade. Wie sal dit wees? Vers 35 sê: “Dan sal Ek vir my 'n betroubare priester aanstel … my gesalfde priester.” Die Hebreeuse woord vir “betroubaar” beteken ook “blywende,” so hierdie priesterskap sal vir ewig hou, maar die feit dat hy “my gesalfde vir ewig” is, beteken my “koning” in hierdie konteks. Wie is beide 'n getroue en ewigdurende priester wat ook vir altyd koning is? Slegs een persoon in die geskiedenis kon beide wees — Jesus.
Gebed
Here Jesus, ewigdurende, groot Hoëpriester en Koning, U het vir ons 'n weg gemaak om U te nader al is ons dikwels skuldig in ons gedagtes, woorde en dade. Gee aan ons u genade wat herstel, bewaar, lei, beskerm en hoop gee. In die Naam van Jesus. Amen.
Kopiereg (c) 2012 deur Redeemer Presbyterian Church.
Wens jy dat die verkeerde dinge in die lewe reggestel kan word? In 1 Samuel 2:28 leer ons wat die rol van die priesters was: 1) “om my altaar te bedien” — hulle moes by God intree en namens die mense pleit, 2) “om wierook aan die brand te steek” — dit was 'n godsdienstige ritueel om God te eer (Levitikus 16:13) en 3) “om 'n skouerkleed voor My te dra” — dit het gewys dat die priester die een was wat die mense kon raad gee uit die wysheid van God. Ons lees dat Eli se seuns, wat destyds die priesters was — hulle wat vir die mense moes sorg — hulleself “vetgemaak” het met die beste uit al die offers van die volk. Dit was 'n groot onreg. Hulle, wat vir mense moes sorg, het hulle laat skade ly. Hoe sou God dit regstel?
As ons na ons lewens kyk en dié van die mense om ons, vra ons dikwels dieselfde vraag. Hoe sal God die verkeerde dinge in die wêreld regstel? Dit word 'n traumatiese vraag as ons besef dat ons ook daaraan skuldig is om ander te na te kom. Die mense vir wie ons lief behoort te wees en te dien, is dikwels juis die slagoffers van ons selfsugtige fokus op ons eie belange en prioriteite.
Ons word vertel dat God hierdie onregverdigheid sien en dat Hy 'n einde daaraan moet bring (verse 30-31) en 'n regverdige oordeel fel oor die skuldige partye (vers 34). Die verkeerde dinge moet gestop word, maar ons het iemand nodig om in ons plek na God te gaan en namens ons te pleit, want ons is self skuldig aan hierdie wandade. Wie sal dit wees? Vers 35 sê: “Dan sal Ek vir my 'n betroubare priester aanstel … my gesalfde priester.” Die Hebreeuse woord vir “betroubaar” beteken ook “blywende,” so hierdie priesterskap sal vir ewig hou, maar die feit dat hy “my gesalfde vir ewig” is, beteken my “koning” in hierdie konteks. Wie is beide 'n getroue en ewigdurende priester wat ook vir altyd koning is? Slegs een persoon in die geskiedenis kon beide wees — Jesus.
Gebed
Here Jesus, ewigdurende, groot Hoëpriester en Koning, U het vir ons 'n weg gemaak om U te nader al is ons dikwels skuldig in ons gedagtes, woorde en dade. Gee aan ons u genade wat herstel, bewaar, lei, beskerm en hoop gee. In die Naam van Jesus. Amen.
Kopiereg (c) 2012 deur Redeemer Presbyterian Church.
Aangaande hierdie leesplan
Wat is die Vastydperk? Dit is die tyd wanneer ons in afwagting is vir die oorwinning wat die lig en lewe van Christus oor die duisternis van sonde en dood gebring het. Soos ons die gebeure volg van Aswoensdag tot Paasfees, word ons herinner aan die werklikheid van ons swakheid en God se verlossende genade.
More
Hierdie oordenking is geskep deur die personeel van die Redeemer Presbyterian Church en is oorspronklik in 2012 op die webblad www.redeemer.com geplaas. Dit word met toestemming gebruik.
