Advent: Die Reis Tot By KersfeesVoorbeeld

Die Wonderlike Was Self Verwonderd

Kan jy jouself voorstel wat die skaapwagters beleef het toe 'n "hemelse leërskare" daardie Kersnag aan hulle verskyn het? Hulle was maar net besig om hulle skape in die veld op te pas en toe, skielik: 'n hemelruim vol engele. Hulle het heel waarskynlik die engele gehoor, maar om hulle te sien was seker beide vreesaanjaend en wonderlik. Verbeel jou honderde engele wat saam lofprys met 'n oorverdowende, glorieryke klank. Wat 'n wonderbare oomblik!

Dit kom waarskynlik voor dat engele self aanbidding waardig is. Hulle is so anders as enigiets wat ons hier op aarde sien. Hulle weerspieël die lig van die hemel en dwing volle aandag en respek af. Hulle is egter nie die fokus van aanbidding nie. So merkwaardig soos hulle ook al is, het hulle net een ding voor oë gehad — om God te prys vir wie Hy is en wat Hy deur Jesus na die aarde sou bring. Engele, wat vir die menslike oog wonderlik is, was self verwonderd voor die aangesig van God. Dit moes om daardie rede vir die skaapwagters meer oortuigend gewees het dat God hulle aanbidding en lofprysing waardig was.

Gebed: Vader, ek kan nie ten volle begryp hoe wonderlik U is nie. Hou asseblief hierdie Kerstyd my oë daarop gefokus hoe waardig U my aanbidding is. Help my om altyd oor u grootheid verwonderd te wees. Alles in die hemel en op aarde is gemaak om U te aanbid. Niemand kom naby u glorie nie.