Onbeskaamde Ouerskap DagstukkeVoorbeeld

DORINGS

As ons van mening is dat lyding vermy moet word, kan ons van God se grootste werke misloop. Vandag se Skrifgedeelte vertel vir ons dat 'n bietjie lyding God se poging is om ons reg te help. Sy groot liefde vir ons laat dit toe. Lyding kan 'n teken van God se liefde wees!

Lyding gee ook vir ons die kans om God se heerlikheid te wys. Die apostel Paulus het 'n ongemaklike toestand gehad wat hy die "doring in die vlees" genoem het. Ons weet nie wat dit was nie, maar ons weet dat dit hom soveel gepla het dat hy drie keer gebid het dat God dit moet verwyder. God het nie die "doring" verwyder nie. Paulus was egter oortuig dat die lyding tot sy voordeel was, want dit het gekeer dat hy verwaand raak. God het vir Paulus gesê dat sy swakheid God openbaar: "My genade is vir jou genoeg. My krag kom juis tot volle werking wanneer jy swak is" (2 Korintiërs 12:9).

Wanneer jy voel dat jy nie uitgeknip is vir ouerskap nie, onthou dat God jou met sy krag kan vul as jy swak is. As jy op jou eie krag staatmaak, is daar nie plek vir God nie.