Onbeskaamde Ouerskap DagstukkeVoorbeeld

WIE IS JOU VADER?

Ek onthou, toe ek op skool was, dat ek in 'n gang afgeloop het en 'n pa net buite die hoof se kantoor hoor praat het. Sy stem was dringend, maar nie kwaai nie.

"Wie se seun is jy?" het die pa gesê en sy tienjarige seun stip in die oë gekyk. Die seun het skaam weggekyk. "Kyk na my," het die pa gesê, "en antwoord die vraag. Wie se seun is jy?" Met trane in sy oë het die seun na sy pa gekyk en skaam gesê: "Joune." "Nee, my seun, ek wil hê jy moet dit hardop en met trots sê," het die pa gesê. "EK IS JOU SEUN!" Die seun het dit hard geskree terwyl hy sy pa in die oë kyk. Dadelik het die pa hom omhels.

Ek het later uitgevind dat die seun 'n swaar straf ontvang het omdat hy een van die skool se reëls oortree het. My oë was vol trane terwyl ek vandag se teksvers onthou. Wanneer ons Jesus Christus as ons verlosser aanvaar, word ons kinders van God. Ons kan aan ons hemelse Vader uitskree: "EK IS JOU KIND!"

Dra God se onvoorwaardelike liefde oor aan jou kinders. Ruim tyd in om vir Hom dankie te sê vir sy ewige genade!