Uitgekies: Herinner Jouself Elke Dag Aan Die Evangelie

Dag 1 van 7 • Vandag se leesstuk

Bybeldagboek

Wat sou gebeur as jy elke oggend wakker word en jouself aan die Evangelie herinner? 


As jy net soos ek is, is jy geneig om die Evangelie as vanselfsprekend te aanvaar, omdat jy so vertroud is daarmee. Ons bêre dit iewers in ons onderbewussyn en gaan maar net voort met ons lewens. Dit is egter nodig dat ons elke dag die Evangelie hoor; net so belangrik dit was om dit die eerste keer te hoor. 


As ons onsself elke dag aan die Evangelie herinner, sal ons wakker word met opregte dankbaarheid dat die ergste geveg wat ons daardie dag in die gesig mag staar, alreeds gewen is. 


Hoe anders sou jou lewe wees as jy die Evangelie op 'n gereelde basis aan jouself sou verkondig? 


Daar is baie maniere waarop die Evangelie ons daaglikse lewe beïnvloed en vorm. Ons almal het gereelde aanmanings van die voordele nodig, asook God se krag om dit aan te gryp. 


Te veel gelowiges dink dat die goeie nuus ou nuus is. Ons het die Evangelie nog nie te veel kere gehoor nie; en ons het dit ook nog nie genoeg kere gehoor nie. Net soos 'n pragtige diamant baie fasette het, het die Evangelie 'n ewige skoonheid wat nooit uitgeput sal raak nie. Hoe meer ons na die Evangelie kyk, hoe sterker en meer bevredig sal ons in ons geloof wees. 


Ons het gereelde aanmanings nodig van alles wat God vir ons deur middel van die Evangelie gedoen het, want die Evangelie versterk ons begeerte om aan God gehoorsaam te wees en motiveer ons om Hom te dien. Wanneer ons besef hoeveel Hy gedoen het - hoeveel Hy aan ons gegee het deur middel van Sy Seun - kan ons nie anders as om te verander en Hom ons hele lewe te gee nie. Selfs wanneer ons swak en kragtelose sondaars is wat sukkel om 'n perfekte Redder na te volg, herinner die Evangelie ons daaraan hoe geliefd ons is en hoeveel God in ons aan die werk is om ons te help om Hom te volg. 


Daar is geen groter behoefte in jou Christelike lewe as om jou hart gereeld aan die waarheid van die Evangelie te herinner nie.