Gewilde Bybelverse vanaf Spreuke 15

Deel

'n Sagte antwoord keer woede weg, maar 'n krenkende woord laat toorn opvlam.

Ontsag vir die HERE is 'n vermaning tot wysheid, en nederigheid gaan eer vooraf.

Kalmte van die tong is 'n boom van lewe, maar verdorwenheid daarvan breek die gees.

Planne misluk waar daar geen beraadslaging is nie, maar met baie raadgewers hou dit stand.

'n Vrolike hart laat die gesig goed lyk, maar by kommer in die hart is die gees neerslagtig.

Op elke plek is die oë van die HERE, hulle hou slegtes en goeies dop.

'n Bietjie, saam met ontsag vir die HERE, is beter as 'n groot skat met paniek daarby.

'n Opvlieënde man sit 'n stryery aan die gang, maar 'n geduldige mens bring 'n geskil tot bedaring.

Die hart van 'n regverdige oorweeg hoe om te antwoord, maar die mond van goddeloses stort booshede uit.