Gewilde Bybelverse vanaf SPREUKE 12

Deel

Bekommernis rem ’n mens af; bemoedigende woorde maak hom bly.

Iemand wat bereid is om reggehelp te word, leer graag. Dit is dom as iemand hom nie wil laat teregwys nie.

Daar is mense wat dinge sal sê wat seermaak. ’n Wyse mens se woorde bring eerder genesing.

Vir ’n dwaas is net sy eie pad die regte een. Iemand wat wys is, luister na ander se raad.

’n Dwaas is opvlieënd; ’n verstandige persoon bly kalm wanneer hy beledig word.

’n Goeie vrou is haar man se trots. Een wat skande maak, is soos kanker in sy bene.

Die HERE verafsku mense wat hulle woord breek. Hy hou van mense wat by hulle woord staan.

Die regverdige kyk mooi waar hy loop; maar die pad van goddeloses is ’n dwaalweg.

Die waarheid hou vir altyd; die leuen kom gou aan die lig.